Pazo de Hermida e Luaces en Dodro

En Dodro, ademais do famoso pazo de Lestrobe (grafía con v tamén), está este de Hermida e Luaces, polo que persoeiros da vida cultural galega pasaron e mesmo habitaron. Paga a pena darse unha volta polos seus soutos de castiñeiros, a súa carballeira, ver o estanque cos peixes de cores, aprezar os camelios, as vellas parras e ver o desleixo de certos elementos que, co tempo, quedaron esquecidos cos novos usos e costumes.
Eran antigas torres de defensa da ría de Arousa. En 1614 fundouse un maiorazgo.
En 1977 restaurouse e conservouse a arquitectura típica das mansións señoriais (pazos) do século XVII. Ali quedou o pombal, a lareira, hai un hórreo cativo...
Ten un significado especial para a literatura de Galicia: viviu aquí Rosalía de Castro, tivo xemelgos (Gala e Ovidio) en 1871 e escribiu, prantou azaleas e coidou desta fermosa paraxe. Nos comentarios, máis

Category:

Travel & Events

Tags:

• Pazo
• de
• Hermida
• Dodro
• Rosalía de Castro

[xensboy]

Eu estiven dentro do pazo, investigando, cando estaba en ruínas. Manchei as mans buscando entre os papeis ciscados polo chan e, unha hora despois, encontrei por casualidade a Cela paseando por Adina. Sobre o pazo, el díxome: "aí non hai nada". Quixo darme a man e eu aviseille de que non estaba limpa, pero el quíxoma dar igual, e desexoume boa sorte na miña empresa (a de novelar a vida de Rosalía). Eu pregunteille se había algún libro sobre a súa bisavoa, que era amiga de Rosalía.

[xensboy]

Este pazo é un dos máis importantes da Galiza. Nel estivo Castelao, nunha importante reunión, e hai quen di que os viquingos teñen relación co lugar. Por enriba de todo, foi o lugar de acollida e repouso para Rosalía que, invitada polo seu querido tío e protector José Hermida, encontrou aquí a paz espiritual para pintar e para crear algúns dos seus mellores poemas.