蘋果日報 - 2011-05-15 - 來港尋醫減肥 一見鵝髀投降 中國第一肥童嚟喇！

來港尋醫減肥　一見鵝髀投降
中國第一肥童嚟喇！

《小肥遊香港》
【蘋果日報報訊】被稱為「中國第一肥童」及世界同齡第四肥童的 5歲男孩「小肥」盧志豪，昨日在爸爸媽媽陪同下，由廣東順德家鄉來港尋醫「減肥」。年紀小小體重已近 140磅的小肥，昨晨在村民一聲聲「加油」下，踏上香港減肥之旅第一步；不過小肥第一天來港還是吃不停、玩不停，開心得不得了。

記者：黃熙麗、林熊、司徒韋桐、譚志輝

蘋果日報上月 10日報道過小肥的肥胖歷程，當時他的爸媽表示擔心兒子日後的健康情況，希望帶他來港延醫診治。一個月後小肥終於來港了。昨晨 9時半，記者到順德小肥家中，準備陪同他們一家來港時，見小肥正在進行健身減肥運動。他全身壓在一個健身球上，幾乎壓扁健身球。據小肥 33歲爸爸盧業明表示，小肥 7時半起床後吃了兩碗粥做早餐。

小肥一家三口拖着行李先到渡頭乘船過對面岸，然後由小肥的伯父駕車送往順德港，記者問小肥有何感覺，他大聲說：「去香港，好開心！」小肥到達碼頭便向媽媽嚷着說要吃八寶粥­，媽媽說：「上船先食啦！」小肥隨即扁嘴不開心。經過碼頭小賣部時，小肥一個箭步跑進去，用普通話大叫：「我要買東西！」媽媽只好買了一包香口膠和一包紫菜梳打餅給他，小­肥拿着歡天喜地上船。

來港第一飲：西瓜汁

早上 11時許，小肥登船坐下後立即急不待叫媽媽給他八寶粥，之後他三扒兩撥便將整罐八寶粥「消滅」了。其後不單止將紫菜梳打餅和香口膠吃掉，媽媽還在船上小食部買了一碗魚蛋，­小肥吃了 4粒，其餘的都奉獻了給爸媽。其間小肥在船上十分興奮，全程蹦蹦跳跳，玩個不停，但他跑了一會便不住喘氣，大汗淋漓，要媽媽不停替他抹汗。記者問他：「你最錫邊個？」小肥­開心的說：「媽咪！」然後在媽媽臉上吻了一下，令媽媽開心不已。

中午 12時半，船到達尖沙嘴中港城碼頭泊岸，小肥一家都十分雀躍，拿出相機互相拍照。下船後，小肥周圍的事物十分好奇，問個不停。當各人經過一間果汁店時，小肥又嚷着要吃東西­，結果媽媽買了一杯西瓜汁給他；行行重行行，小肥突然站在一間餐廳門口不肯走，說：「點解唔喺呢度食呀？」媽媽哄他：「呢度淨係招呼員工咋！」

午睡後逛街　觀光購物

但小肥經過一間連鎖藥房時，見到門口一排排熊仔餅又不肯離開，於是媽媽又買了一包朱古力給他，其間他又飲過益力多；至下午 2時各人終於到酒店， 2時 50分叫了外賣午餐飯盒，小肥一個人吃了整盒粟米斑腩飯，還有媽媽給他「加餸」的一條腸仔、一塊火腿和半塊豬扒，飯後一罐綠茶。

之後一家人在酒店午睡，小肥攬着媽媽在床上睡得很甜。下午 4時許，一家人小睡後便乘車往尖東海旁星光大道觀光，之後，各人轉到旺角逛街，小肥在一間玩具店買了兩個共 63元的「蒙面超人」玩具，遊罷旺角後晚上各人到深井吃晚飯。
口咬燒鵝髀　手夾鵝肉

這餐晚飯菜式包括有半隻燒鵝、粟米魚肚羮、西芹花枝片、話梅焗肉排、炒菜心和豉汁蒸白鱔，小菜上枱，小肥一手拿着燒鵝髀，一手用筷子夾着一塊燒鵝肉不放。不過小肥只吃肉，­不愛吃菜和白鱔。飽餐一頓後，一家人便返回酒店休息，準備今日再遊覽一天後，明日便要讓小肥入院檢查身體。

昨日一天遊玩，小肥跑跑跳跳十分開心，但由於他身軀肥胖，小小動作便令他氣喘如牛，呼吸亦顯得很辛苦，減肥始終是他和家人的終極願望。

盧志豪小檔案

年齡： 9月生日滿 5歲
外號：蠟筆小新、青蛙王子、小活佛
現居：廣東順德
體重： 140磅
身高： 1.12米
腰圍： 44吋
臂圍： 15吋
腿圍： 25吋

─發胖史─
•出生體重不足 6磅
•兩歲體重近 90磅
• 3歲體重 130磅

資料來源：《蘋果》資料室

昨日「食程表」

07:30　早餐： 2碗粥
10:06　 1包紫菜梳打餅
11:00　 1罐八寶粥、 6粒香口膠
11:55　 1支益力多
12:13　 4粒魚蛋
13:30　 1包朱古力、 1杯西瓜汁
14:15　 1支益力多
14:50　午餐：粟米斑腩飯加火腿、腸仔及半塊豬扒、一罐綠茶
17:50　 2粒珍寶珠
20:00　深井晚餐： 1隻燒鵝髀、多塊燒鵝肉、話梅焗肉排、 2.5碗粟米魚肚羮、 0.5碗飯、 1支牛奶
消夜　不詳

Category:

News & Politics

Tags:

• 蘋果日報
• 20110515
• 來港尋醫減肥
• 一見鵝髀投降中國第一肥童
• 喇！

[oOGEMloverOo]

2:49拎住條鱷魚話鯊魚

唔好意思,我笑左._.

[Kenny2HK]

慈母多敗兒, 唉, 咁食飯, 點會唔肥呀

[wingwing0404]

如果我係佢, 大個睇返自己細個咁既樣.....

真係...............

-.-

[wingwing0404]

我一D 都唔覺得佢得意, 覺得好核突.

減肥啦, 妖!

[275160302]

照这样吃下去 能活几年啊

[yungagnes]

個旁述做咩D語氣覺得佢可愛...我聽到個旁述覺得好不安

[ThePeternat]

已經肥到分唔到佢咩表情，開心抑鬱發脾氣都一樣係一堆肉堆埋一齊­！sorry, 真係唔覺得佢可愛，反而有度冇名火係咁標出嚟！

[lwc1987]

~~~~2:40佢可以做一個相樸手



[mocha0520]

佢都係5歲細路o者

你地講野洗唔洗咁毒



[chung010432]

今日先睇報紙 , 個肥仔成因係因為佢為食...........

[rinyukin]

技安・胖虎

[suiSindy]

佢呀爸呀媽咩事呀？？！