Le Academia

Car amico Stan, Tu message de hodie, le 31 de januario 2008, reproducente "importantissime excerpto del Manifesto de Interlingua per Alexander Gode", da nos le opportunitate de elucidar alicun punctos essential re le positiones e propositiones de illes qui labora in le nove websito "WikIA". Primo, tu jam debe haber percipite, hic e nunc io dice NOS (e non simplemente IO), proque io expressa un opinion de consenso in nostre gruppo e non mi opinion personal e independente. Nostre auto-denominate "Academia pro Lingua International" non es un organo official, academic in le senso commun del termino, illo non es un organisation que vole arrogar se le autoritate de legislar con respecto a Interlingua. Iste parve gruppo de idealistas e de servitores del nobile causa del Lingua International tamben non tolera ulle dogmatismo, ni ha jammais cogitate de alique como "diplomas pro expertos de interlingua o insignias pro partisanos de interlingua". Nostre scopo fundamental es "laborar" pro Interlingua, facer lo renascer, crescer, disveloppar se, devenir effectivemente un Lingua International. Forsan, il es necesse admitter, nostre enthusiasmo initial ha nos levate a essayar le adoption de alicun mesuras non de toto felice o plenmente justificabile. Ma nos es humile bastante pro recognoscer lo in tempore de non nocer le Nove Movimento pro Interlingua, que nos desira firmemente poter summar tote le effortios del interlinguaistas capacitate e de bon voluntate. Nos desira que WikIA se converte, non in campo de battalia super le theoria de Interlingua, ma in un "Place de la Concorde", como dice nostre nobile Carlos Alberto, a ubi TOTES, sin discrimination de ulle sorta, qui sape e usa Interlingua potera apportar su benvenite collaboration. Nos assume, assi, un nove e definitive attitude re le utilisation de WikIA como vehiculo propagator de Interlingua: IBI IL NON HABERA ULLE DISCRIMINATION, CENSURA O PROHIBITION. WikIA va enseniar lo que intende esser LE MELIOR INTERLINGUA, conforme al ver theoria Godeana o UMIana, va publicar le textos que considera como le plus desirabile modellos de Interlingua, ma su collaboratores non suffrera ulle typo de discrimination, censura o prohibition. VOS TOTES, includite tu, naturalmente, es BENVENITE A WIKIA.
Cordial e fraternemente, vostre loyal servitor
JOSU LAVIN, Urso I del Regno de Navarra Sin Frontieras

Category:

Education

Tags:

• interlingua

[WilliamCerf]

I live in New York City and would like to learn Interlingua. Perhaps in person or via the internet. What do you suggest?



[marcoxyzxyz]

Io pote audir tu accento espaniol, si bene tu ha multe bon pronuntiation e distingue tote sonos de Interlingua quasi sin interferentia del lingua-madre.