Akshon di firma den Kaya 01.mp4

Petishon - Firmantenan, ta konsiderando

1. Ku pueblo tin e impreshon ku nos leinan eksistente ta sòru ku esnan kulpabel na e delito di abusu seksual no ta risibi kastigu sufisiente kual ta resulta den un kastigu demasiado leve of nan ta sali liber.
2. Ku pueblo ta di opinion ku nos leinan eksistente no ta sufisiente pa prevení of kastigá debidamente esnan ku á i ta hasi nan mes kulpabel na e delito di abusu seksual.
3. Ku penetrashon serka beibi, "peuter" i "kleuter" no ta konsidera dor di nos leinan eksistente komo violashon mientrastantu ku no a hasi uso di violensia. Esaki tambe ta konta pa menor di edat ku ta wòrdu penetrá kontra nan boluntat.
4. Ku no tin niun instituto na Kòrsou ku por defini si esnan ku a hasi nan mes kulpabel na e akto di abusu seksual ta un pedofil kual lo sigui abusa di menor di edat of un persona ku no ta un pedofil kual mester di un otro guiansa.
5. Ku esnan ku ta hasi nan mes kulpabel na e akto kastigabel no ta risibi un yudansa / guia professional den prizon of despues. Kual ta okashona ku esnan kulpabel lo bira un residivista.

Ta hasi un petishon na gobiernu i Parlamento di Kòrsou pa

1. Evalua kambio di leinan eksistente pa por enfrenta e aktonan kastigabel pa ku menornan di edat na un manera mas adekua dor di introdusi kastigunan for di kual no tin mag di desvia, manera "minimumstraffen".
2. Evalua kambio di leinan eksistente pa por enfrenta e aktonan kastigabel pa ku menornan di edat na un manera mas servero dor di subi e kastigunan.
3. Evalua kambio di leinan eksistente pa hasi penetrashon serka beibinan, "peuter" i "kleuter" por defini e aktonan den tur situashon komo un akto di violashon.
4. Introdusi un instituto specialisa pa esnan ku a i ta hasi nan mes kulpabel na e delito di abusu seksual ku por defini si esun kulpabel ta un pedofil of no.
5. E instituto spesialisa por duna un guia professional na esnan ku a hasi nan mes kulpabel na e delito di abusu seksual durante e kastigu den prizon i ora nan rekobrá nan libertat.

Category:

Education

Tags:

• Bos
• di
• Hubentut
• Abusu
• Seksual
• Akshon
• Firma
• Kibrando
• gritunan
• silensioso