حمرا

أحمد حلمي في مسلسل الجماعة قال:
لأن خط الميرى أزرق
القلم ف الفصل أزرق
وأما قال مقلوب وطافح ..
ركبوه البوكس الأزرق .. لابسوه ف السجن أزرق
ختموا ختم النسر الأزرق
...
...والبنات القطر فاتهم .. بخ تحت عنيهم أزرق
واللى ضايعة تستخبى .. تحت ليل الهلس الأزرق

والجميلة كى لاتحسد
كان لابد الفص الأزرق
والولد لفلف ودخن
فخ كان دخانه أزرق

مصه دمه دارى همه .. ف بنطلونه الجينس الأزرق
وإن قال حرام يرموه ف مكان .. مايعرفوش الجن الأزرق

يبقى ليه الأحمر والأبيض فى العلم
لما هى لونها أزرق

سألت أحمر و أبيض ليه
هقولك على سر اللون الأحمر
زمان,كان هم الموظف تطلع البطيخة حمرا
يرجع من الشغل كل يوم عينه دبلانة و حمرا
يصبر أيام الأسبوع لجل تيجي الليلة الحمرا
و قرش مع قرش كان بيعبي في الحصالة الحمرا
قالوله البورصة و أسهم مضمونة هتكسر حواجز الخطوط الحمرا
لم تحويشة العمر و اشترى أسهم شركة حمرا
بعد كام يوم لقى كل أسهم البورصة حمرا
ركب عربيته و لقى لمبة البنزين الحمرا
و اتزنق في الزحمة و أكن كل اشارات المرور حمرا
و الشركة اللي فيها ضربت تفليسا و اتقفلت أبوابها بالشمع الأحمر
لقى نفسه مفلس و بيته مديون و اتنطط فيوشه الشياطين الحمرا
يعمل ايه و الدنيا مورياه العين الحمرا
قتل مراته و دبح عياله و دمهم سال عليه بقع حمرا
بلغ الشرطة و اتحالت للمفتي أوراقه الحمرا
و في النهاية راح المشنقة و هو لابس البدلة الحمرا

عرفت هي ليه حمرا؟

Category:

Nonprofits & Activism

Tags:

• أزرق
• أحمد
• حلمي
• الجماعة
• صاحي
• مصر
• حمرا

[meziooo]

كلامك كله قمه السلبيه بتبص على الحجات الوحشه بس على فكره انت كده بتشع سلبيه المفروض الواحد يبقى متفائل وكلامه ايجابى ويكون مبتسم للدنيا وبجد اللى عارف ربنا كويس الدنيا مش يبتتقفل ف وشه زى منتا بتقول فلو سمحت خليك ايجابى ومتفائل وده مش كلامى ده كلام دكاتره كبار زى ابراهيم الفقى وغيرهم كتير ده غير ان ديننا بينصحنا بكدا

وربنا يجعل كلامى خفيف عليك

[vampegypt]

حمرا :)

[moramadan911]

enta bdan awy ya captin

[iGhaith]

أحييك .. مجاراة صادقة .. لـ "أزرق" حلمي ..

على فكره .. انا عندي الدنيا بنفسجيه أساســا :)

البنفسجي = ( ازرق × احمر )

وبيقولون ان البنفسج : لون الحزن المبهج ....

لذلك انصحك بما نصحت به نفسي من زمان

" هكونا متاتا " يا عم الحاج :)

وتحية الى شعب مصر الصــامد

اخوك .. المسلم العربي / غيــــث