DETENSHON-AKSHON BUS CHIKI

Laga nos kuminsa for di mainta tempran, ora e shofurnan a drenta Punda ku nan vehikulo di plak ku pankartanan di protesta. For di ayera e sindikato STU a ekspresá ku mayoria shofur no ta kontentu ku e oumento di tarifa di diesel, paso esaki ta perhudiká pasaheronan ku mester bai paga mas i nan mes. Nan ta sugerí pa laga e tarifa manera e ta i duna shofurnan un preis preferensial na pòmp di gasolin. Polis tambe a subi kaya for di trempan pa kontrolá i despues ku presidente di STU, ku tambe ta shofur di bus, a sera kaminda ku su bus polis a pidi'e kita esaki for di kaminda. Pero dor ku e no a hasi esaki k'e rapides nesesario, polis a detene i a hibe warda. Mester bisa ku mas despues e shofurnan di bus den akshon a blokia kaminda na Waaigat pa asina impedi paseo di busnan grandi di Autobusbedrijf Curacao. E akshon n'e sitio a pone ku e busnan grandi no tabata por a move ku konsekuensha ku hopi hende ku ta depende di transporte publiko pa yega skol, trabou of kas mester a keda para man krusa pa un bon ratu. Ku intermediashon di polis akinan tambe, a hbri e kaminda despues p asina e busnan di ABC por a sigui nan kurso transportando naturalmente mas tantu pasahero ku normal debi n'e akshon di shofurnan di bus chiki.

Category:

News & Politics

Tags:

• telecuracao
• telenotisia.curacao
• notisia
• korsou