Caves and Rays Finale 1

Mula sa Cebu, dadayuhin naman ni Kiko ang Bolinao, Pangasinan para pasukin ang isa pang underwater cave. At sa loob, makikita nila ang mga stalactites at stalagmites na karaniwang nakikita sa mga kuwebang nasa ibabaw ng lupa, patunay na ang kuwebang ito ay minsang walang tubig. Bukod sa eksplorasyon, mas may mahalagang layunin ang underwater cave diving. Ito ay para pag-aralan ang dating kondisyon ng kapaligiran at ng mundong ating ginagawalan. Sa pamamagitan din ng underwater cave diving nalalaman na may ilang lupang hindi dapat tayuan ng kahit anong istruktura sa ibabaw dahil ang ilalim nito ay maaaring sinkhole at underwater cave na delikado sakaling magkaroon ng kalamidad gaya ng lindol. Sa Pilipinas, dahil bago pa lang ang underwater cave explorations, ang ginawa ng grupo nina Kiko ay inaasahang magiging kontribusyon sa iba pang underwater cave diving na gagawin sa bansa.

Samantala, noong nakaraang dalawang Miyerkules, mas nakilala natin ang mga pagi lalo na ang mga giant manta at devil ray na madalas na nalalagay sa panganib dahil sa panghuhuli ng tao. Ngayong linggo, mas uunawain naman natin kung bakit para sa ilan ay sadyang panlamang tiyan ang mga pagi. Babalik si Doc Ferds sa probinsya ng Bicol para hanapin muli ang mga giant manta at kilalanin ang mga mangingisdang buong gabing lumalaot para lang makakuha ng pagi na pagkain nila sa kinabukasan. Saksihan din ang tagging ng manta ng ilang eksperto para mas mapag-aralan ang mga ito.

Category:

Entertainment

Tags:

• b2bw
• 1
• flv