Lëtzebuergesch léiere mat Mp3

Reportage iwwer de Projet Lëtzebuergesch léiere mat Mp3

den Text vum Reportage:

---

Den 22. Nov 2007 huet den Här Xavier Bettel, Schäffe vun der Gemeng Lëtzebuerg eise Projet "Lëtzebuergesch léiere mat Mp3" an der Märei vun der Stad Lëtzebuerg virgestallt.

Dëse Projet gouf vun enger Equipe vu 5 Enseignanten ausgeschafft, déi fir déi stader Gemeng Lëtzebuergesch Course ginn.

D'Mme Freiman, d'Mme Lemal, d'Mme Simon, den Här Sgiarovello an ech selwer_, wëlle mat dësem Bichelchen eise Schüler esou eng kleng Hëllef gi fir Lëtzebuergesch méi einfach ze léieren.

Eist Bichelche besteet aus dräi Deeler:
den éischten Deel probéiert mat Photoen a klenge Sätz e Basis-Vocabulaire ze vermëttelen.
am zweeten Deel stinn e puer grammatikalesch Regelen iwwer_ d'Lëtzebuergescht an am drëtten Deel stinn Dialoger fir dat Ganzt praktesch ze illustréieren.

Sou e Bichelche ass u sech näischt Neies, mä mir hunn och nach eng Audio-CD dobäigeluet, an zwar net nëmmen am klasseschen Audio Format, mä och am
MP3 Format. MP3 steet fir *Moving Pictures 3" a compriméiert am Géigesatz zu
Mpeg1 an Mpeg2 nëmmen Audio-Dateien op eng vill méi kleng Gréisst.

De Schüler brauch d'Cd also just nach a säi Computer ze leeën a kann déi 30 verschidden Audio-Dateien vun eisem CD dann z.B. op säin Mp3-Player oder op säin Handy riwwerkopéieren_.

D'Bichelche mat CD gëtt gratis un d'Participante vun eise Coursen ausgedeelt.
All déi aner kënne sech d'Material um Internetsite vun der Gemeng Lëtzebuerg www.vdl.lu gratis eroflueden an erausprinten. Eng direkt Verbindung op dëse Projet fannt Der och op der Internetsäit Luxdico.lu

Vun hei aus nach eng Kéier e grousse Merci un all déi Leit, déi et eis erméiglecht hunn, dëse Projet ze realiséieren.
----
Xavier Bettel, Paul Helminger, Annick Freimann, Carine Lemal, Isabelle Simon, Jérôme Lulling, Alain Sgiarovello, Gemeng Lëtzebuerg, 22. November 2007, Luxemburgistik, luxembourg, luxembourgeois, langue, Sprooch, Luxdico, http://www.vdl.lu

Category:

Education

Tags:

• Reportage
• iwwer
• de
• Projet
• Lëtzebuergesch
• léiere
• mat
• Mp3
• Bettel
• Helminger
• Freimann
• Lemal
• Simon
• Lulling
• Sgiarovello