Qoornumit nalunaarut 2010 Alcoa

Aluminium/alcoa

Inuit Ataqatigiinnit ilisimaneqarpoq, Alcoamik isumaqatigiissusiornissaq sioqqullugu paasissutissat tunngaviusariaqartut, tamakkiisumik pigineqanngitsut. Inuit Ataqatigiinnit eqeersimaarfigineqarpoq piaartumik isumaqatigiissuteqarnissaq kissaatigineqarmat, taamaakkaluartorli pingaartinneqarpoq tamakkiisumik ilisimasaqarnissaq innuttaasunillu peqataatitaqarnissaq.

Suliniutinik siunissamut ungasissumut kinguneqartussanik, inuiaqatigiinnullu tamanut sunniuteqartusssanik pisoqassatillugu tuaviupilunnissaq iliuusissaanngitsoq Inuit Ataqatigiit isumaqarput. Tamanna kinguaassatsinnut pisussaaffigaarput.

Inuit Ataqatigiinnit misissuinerit sukumiinerusut piumasaraavut soorlu aamma inooqatigiinnermut inuiaqatigiillu aaqqissuunnerannut allannguutaasinnaassut aamma ersarissumik misissuiffigineqarnissaat piumasarigivut.

Inuit Ataqatigiit Alcoamik suliniut nuna tamakkerlugu suliniutitut isigaa kommunimilu suliniutitut isiginagu, tamannarpiarlu tunngavigalugu isertitat nunamut tamarmut kommuninullu sisamaasunut nakkartinneqartarnissaat isumaqarfigaat. Tamanna pissutigalugu Alcoamik suliniutip inuiaqatigiinnut sunniutai misissorneqassapput isummerfigineqarlutillu. Kommuninut Alcoaqarfiunngitsunut sunniutissat taamatuttaaq misissuiffigineqassapput.

Aluminium/Alcoa
Inuit Ataqatigiit erfarer, at der fortsat er uafklarede spørgsmål i forhold til evt. kommende aftaler med Alcoa. Vi har forståelse for ønsket om en snarlig afklaring med hensyn til Alcoa, men Inuit Ataqatigiit vil tage velovervejede beslutninger, der bygger på optimal viden og borgerinddragelse. Når der er tale om så store beslutninger, der har samfundsmæssige konsekvenser der rækker langt ud i fremtiden, må man bruge den nødvendige tid. Det skylder vi de kommende generationer. Særlig ønsker Inuit Ataqatigiit flere undersøgelse og større viden om det sociale og kulturelle aspekt i forhold til projektet. Inuit Ataqatigiit betragter et evt. Alcoa projekt som et nationalt anliggende og ikke et kommunalt projekt. Af samme grund skal evt. indtægter fordeles landsmæssigt og mellem de fire kommuner. Dertil er det nødvendigt at analysere og forholde sig til de afsmittende effekter et evt. Alcoa-projekt vil have på de kommuner, der ikke huser Alcoa.

Category:

News & Politics

Tags:

• IA
• Alcoa
• Qoornumit nalunaarut 2010
• Kuupik Kleist