magjia e fjales.

MAGJIA E FJALËS

Kurrë derrit nuk i thashë dajë...
Ndërsa dajën e putha në ballë!
Tezen e quajta motrën e nënës
dhe, kurrë nuk e thirra hallë...

Mos mendo se të verbon Dielli,
pse e sheh me sy të lirë!
Verbohesh vetëm nga makuteria jote,
nga xhelozia ndaj shpirtit të mirë!

Mos rri aty ku edhe një gënjeshtër,
përsëritur qindra herë duket si e vërtetë!
Ik, ik larg nga ajo xhungël,
që të mos fillosh ta besosh dhe vetë!

Mos rri aty ku dita është njëlloj me natën
në çdo ditë të vitit, si në 22 qershor!
Aty ku duket se Hënën ta ulin në gjunjë,
deri sa ta prekesh edhe me dorë !

Fjala është e bukur magjike,
por bëhet e keqe kur e dhunon
Kur e vë në shërbim të së keqes,
ajo ikën, të le pa fjalë, të dënon...!

Thuaje fjalën me dashuri
Thuaje vetëm me zemër
Fjala e mirë bëhet identitet
Fjala mirë, të bën të kesh emër!

Fjala e mirë është ilaç,
shëron edhe të sëmurin!
Fjala, është magjike,
Fjala, kthen në njeri edhe gurin !

©Ardi OMERI

Category:

Entertainment

Tags:

• magjia
• e
• fjales