Rhywun yn Rhywle (8) - Can i Gymru 2011 (1af)

Enw: Steve Balsamo ac Ynyr Roberts
Unawdydd: Tesni Jones
Cân: Rhywun yn Rhywle
Genre: Pop
Byw:
Steve - Abertawe
Ynyr - Yn wreiddiol o Lanrug, rwan yng Nghaerdydd
Swydd:
Steve - Canwr a chyfansoddwr
Ynyr - Cerddor a Dylunydd Graffeg
Cefndir Cerddorol yn fras:
Steve - Perfformio ar draws y byd cerddorol mewn ffurfiau gwahanol. Chwarae mewn sioeau cerdd, fel artist unigol ac fel rhan o The Storys. Wedi bod yn ddigon ffodus i weithio gyda rhai o'm hoff artistiaid, Robert Plant, Roger Daltrey, Elton John, Joe Cocker, Sam Brown, Madeleine Peyroux a Katie Melua i ollwng ambell i enw.
Ynyr - Aelod o'r grŵp Brigyn
Dylanwad hoffwn i gael ar y gynulleidfa:
Steve - Rwy'n credu bod caneuon yn medru fod yn gweddnewidiol ac rwy'n gobeithio codi ysbryd y gynulleidfa gyda neges bositif a gref y gân. Mae gen bawb rhywun yn rhywle.
Ynyr - Fe hoffwn i'r gynulleidfa bleidleisio i'r gân i ennill.
Neges tu ôl i'r gân:
Mae "Rhywun yn rhywle" yn gân amserol iawn, yn gân am obaith, am gadw ffydd a peidio rhoi'r gorau i ddilyn breddwydion.
Dylanwadau cerddorol ar fy nghyfansoddi:
Steve - Rwyf wrth fy modd gyda chyfansoddwyr eiconig. Pawb o'r Beatles, Neil Finn, Shawn Colvin, Jackson Browne, The Eagles, Elton John, Tom Waits, Seal, Springsteen, Marvyn Gaye... gormod i grybwyll a gweud y gwir. Mae cân dda yn gân dda!
Ynyr - Cymru, teulu, ffrindiau neu rhywbeth diddorol wnai glywed ar y radio!
Yr hiraf dwi 'di treulio'n cyfansoddi cân erioed yw...
Ynyr - Dwi'n cofio cael y syniad am y gân "Cowbois" yn 2003, a mi gymerodd hi tan 2010 i mi ei orffen hi'n iawn wedi i mi berswadio fy ffrind Lowri Mair i'w chanu hi!
Pam ceisio am Cân i Gymru?
Ynyr - Dwi'n ffan mawr o'r gystadleuaeth mae hi wir yn gyfnod cyffrous pob tro dwi yn cystadlu (dyma'r 3ydd tro). Dwi'n hoff iawn o gyfansoddi a chyd-weithio gyda cerddorion eraill, a mae 'Cân i Gymru' yn ffordd wych o neud hynny.
Hoff gân fuddugol y gystadleuaeth erioed?
Ynyr - Twll Triongl gan Hefin Huws
CD olaf wnes i brynu oedd:
Steve - Robert Plant Band of Joy
Ynyr - The Joy Formidable - The Big Roar
Y peth cyntaf fyddwn i'n prynu gyda'r wobr fyddai:
Steve - Taith i Baris i'm merch pum mlwydd oed Issy, iddi gael gweld Tŵr Eiffel. Mae hi mewn ysgol Gymraeg, ac ar daith ddiweddar i Ffrainc roedd hi wrth ei bodd yn ceisio siarad yr iaith. Mae hi hefyd yn ddwl am gregyn gleision!
Ynyr - Tocyn i Iwerddon, ar gyfer perfformio yn yr Ŵyl Ban Geltaidd.

Category:

Music

Tags:

• Can
• Gymru
• 2011
• Steve
• Balsamo
• Ynyr
• Gruffydd
• Tesni
• Jones