CORAL POLIFÓNICA DE PONTEVEDRA: "Negra Sombra". Cantada só por homes. 1958.

Interpreta: Sociedade Coral Polifónica de Pontevedra.
Director: Antonio Iglesias Vilarelle.
Data gravación: 1958.
Localización: Igrexa conventual de San Francisco (Pontevedra).
Peza: Negra sombra.
Letra: Rosalía de Castro (1837 - 1885).
Música: Xoán Montes Capón (1840 - 1899).

_____________

A orixinalidade desta gravación está en que o tema é interpretado só por homes, seguindo as indicacións da partitura orixinal. O tema melódico principal é levado polos tenores, acompañando tenores segundos, barítonos e baixos.
Negra sombra foi estreada no Gran Teatro da Habana en 1892, convertíndose axiña na canción máis emblemática da música galega contemporánea. Xurde da feliz conxunción dunha poesía de Rosalía, recollida no seu libro Follas Novas, cunha melodía perfectamente ligada ao tema, composta polo lugués Xoan Montes.

...................................

Letra:

Cando penso que te fuches
negra sombra que me asombras
ao pé dos meus cabezales
tornas facéndome mofa
Cando maxino que es ida
no mesmo sol te me amostras
i eres a estrela que brila
i eres o vento que zoa.
Se cantan, es ti que cantas,
se choran, es ti que choras,
i es o marmurio do río
i es a noite i es a aurora.
En todo estás e ti es todo,
pra min i en min mesma moras,
nin me deixarás nunca
sombra que sempre me asombras.

Category:

Music

Tags:

• coral
• polifonica
• pontevedra
• negra
• sombra
• rosalia
• castro
• montes
• capon
• iglesias
• vilarelle

[MIRAROUS]

Estoy de acuerdo ¡¡¡ realmente un documento sonoro historico unico. Exquisita interpretacion y ademas en voces masculinas que no es facil.Realmente emotiva y perfecta en tempo y ejecucion.

[novosaires]

Es, sin duda, la mejor interpretación de Negra sombra de la historia coral en Galicia.

Estremecedora, genial.

No me canso de escucharla...