Stefano Russo - Non c'è sabato senza sole

Non C' E' Sabato Senza Sole (A. Mangione -- A. Staffelli)
1928 tarantella

Sabato senza sole, ih che jurnata!
Carmela aveva ascì, ma nun è asciuta.
Vulevo na risposta a na 'mmasciata
E 'sta risposta soja manco è venuta...
Ma allora del proverbio, diciteme, che n' è?
" Non c'è sabato senza sole, non c'è donna senza amore."
Ogge è sabato, 'o cielo è niro e Carmela me piglia 'n giro...
Senza sole, senz' ammore, comme faccio, neh Carme'?


Sabato senza sole, e comme chiove!
Carmela tene 'o core 'nchiuso a chiave
D' 'o bene mio ce n'aggio dato prove,
c' 'e dongo, ma s' 'e scorda appena ll' have!
Ma allora del proverbio, diciteme, che n' è?
" Non c'è sabato senza sole, non c'è donna senza amore."
Ogge è sabato e chiove forte,
cu Carmela ce ll' haggio a morte!
Senza sole, senz' ammore, comme faccio, neh Carme'?

Sabato senza sole e... 'o sole sponta!
Carmela 'nzerra 'o ombrello e s' appresenta.
Vulevo na risposta e 'a tene pronta:
nu vaso 'n mocca profumato 'e menta!
Ciò prova che il proverbio busciardo poi nun è...
" Non c'è sabato senza sole, non c'è donna senza amore."
Ogge è sabato e sta schiaranno, e Carmela me sta vasanno...
Teng' 'o sole, teng' 'o ammore, che me manca, neh Carme'?

Category:

People & Blogs

Tags:

• Stefano
• Russo
• Non
• c'è
• sabato
• senza
• sole
• di
• Alman
• Staffelli
• (1928)
• tarantella