coplas dos maios de óscar allos 2010

Hoxe chega o Maio
é un día ledo,
coa primavera
ven polo Paseo.

Ven polo Paseo
que por este día,
cambia a núa pedra
por verde alegría.

Por verde alegría
ou verde vergoña,
quedou San Cibrao
sen xefe de zona.

Sen xefe de zona
o PSOE de Ourense,
quedou conxelado
co Eladios La Ibense.

Co Eladios La Ibense
familia contenta,
rico mantecado
onde está receita?.

Onde está receita
desa xuventude,
José Luís Baltar
menuda saúde!

Menuda saúde!
vello coma os fentos!,
axuda aos amigos
¡aí van catrocentos!

Aí van catrocentos!
isto non ten fin,
catrocentos votos
a Don Baltarín.

O Don Baltarín,
algo está argallando,
vai dar a noticia
non se sabe cando.

Non se sabe cando,
non se sabe onde
mais o candidato,
ben que o esconde.

Ben que o esconde,
vai ser un bombazo,
porque o seu sogro
vendeulle o pazo.

Vendeulle o pazo
esa é a verdade,
e ahora de regalo
dálle a cidade.

Dálle a cidade,
non che é unha risa,
andamos requentes
por cuestións do clima.

Por cuestións do clima,
tema tan crucial,
nas coplas do Maio
MAIO TROPICAL.

One for the money!
two for the show!,
three get ready!
ai Mr. Feijóo.

Ai Mr. Feijóo
ate ben aos cans,
e se ouvean forte
pécheos no desván.

Pécheos no desván
do señor Varela,
póñalle un embozo
só é por cautela.

Só é por cautela
ten o peto cheo,
que ten unha conta
con Don Pablo Crespo.

O Don Pablo Crespo
e o Señor Bigotes,
conexión Valencia
detrás dos barrotes.

Detrás dos barrotes
non lles falta o pan
pra meter á Gürtell
sacan ao Roldán.

Sacan ao Roldán
máis saíu sen cartos,
tantos caraduras
xa nos teñen fartos.

Xa nos teñen fartos
como Iberdrola,
di que coida o río
pero é unha trola.

Pero é unha trola
como o das costas,
énchenas de portos
xa non son fermosas.

Xa non son fermosas
que con ENCE cheiran,
tamén fede moito
Rosa a upeideira.

Rosa a upeideira
nun rexistro culto,
fala dos galegos
coma dun insulto.

Coma dun insulto
anda a berrar,
o próximo ano
quen a vai votar?

Quen a vai botar?
polo río Miño,
como a este Maio
que está tan florido.

Que está tan florido
de mangos e cocos,
que de pan e fútbol
xa aturamos moito.

Xa aturamos moito
a Sánchez Vidal,
baila un pouco cumbia
MAIO TROPICAL.

Xa chegou o Maio
pra cantar verdades,
que pasan no ano
por esta cidade.

Por esta cidade
Ourense termal,
vai a Chavasqueira
baixo o gran caudal.

Baixo o gran caudal
molláronse a esgalla,
os do bipartito
por non ter paraugas.

Por no ter paraugas
nin ter katiuskas,
¿onde está Touriño?
xa ninguén o busca.

Xa ninguén o busca
non se dá atopado,
coma o noso Maio
vai desorientado.

Vai desorientado
mais vai para adiante,
porque o noso Maio
é un emigrante.

É un emigrante
percorre o camiño,
imos Maio á ponte
que te agarda o Miño.

Category:

Music

Tags:

• coplas
• maios
• ourense
• 2010
• óscar
• allos