Lugo dedica unha rúa a Anselmo Sampedro Ania (CCOO)

Lugo dedicoulle hoxe (21/03/09) unha rúa a Anselmo Sampedro Ania, antigo secretario xeral da Unión Comarcal de CCOO, falecido en 2005. Ao acto acudiron preto dun cento de persoas entre familiares, representantes institucionais e numerosos sindicalistas, con mención especial para a viúva e mais a filla de Sampedro, Regina e Alba.

A representación institucional compuxérona boa parte da corporación municipal, encabezada polo alcalde Xosé López Orozco; o presidente da Deputación de Lugo, José Ramón Gómez Besteiro; o novo subdelegado do Goberno, José Vázquez Portomeñe.

Por parte de Comisións Obreiras acudiron o secretario xeral, Xosé Manuel Sánchez Aguión; case toda a Comisión Executiva Nacional; o anterior secretario xeral, Xan María Castro; ou o secretario xeral da Unión Comarcal de Lugo, Xesús Castro Baamonde, entre outros.

Category:

Nonprofits & Activism

Tags:

• ccoo
• anselmo sampedro ania
• comisións obreiras
• castro baamonde