Gomari në varkë

Gomari në varkë: Është Shqipëria tjetër. Një Shqipëri lakuriq, ku gjithçka flet vetë; pa rrugë, pa ambulancë, pa shkollë, ku për të kaluar nga njëri fshat në tjetrin, në dimër dhe verë banorët duhet të lëvizin me mjete rrethanore, si kjo govatë e madhe llaçi e kthyer nga halli në varkë lundrimi.

Artur Jaku, banor i fshatit Mallkuç në Fushë-Krujë, sjell më së miri në 4 minuta video, Shqipërinë e harruar dhe të zhytur në skamje. Dokumentari amator është regjistruar në dy gjuhë; në shqip dhe anglisht. Në shqip për t'i folur veshëve të shurdhët të politikës, që në Mallkuç shkojnë për të vjelur vota, ndërsa në anglisht për t'i treguar botës se ekziston diku jo larg kryeqytetit shqiptar një fshat i harruar që nuk do gjë tjetër vetëm se të jetojë normalisht si gjithë të tjerët.

Në dokumentarin e tij, Arturi ka zgjedhur të transportojë për në bregun tjetër të liqenit, jo pa qëllim, një gomar. E ka bërë këtë zgjedhje pasi ka kuptuar që qeka më mirë të qash hallet me kafshën e gjorë, sesa me pushtetarë që as nuk u bie mendja për problemet që ka fshati i tij.

I hipur mi samarin e kafshës, Arturi tregon se me varkën e improvizuar, vozit edhe dhitë nga njëri breg në tjetrin, për shkak se rruga mungon. Këtë punë e bën në çdo stinë të vitit. Rruga në dimër në fshatin Mallkuç, është e pakalueshme dhe i vetmi mjet udhëtimi është varka prej çeliku.

Për një gjilpërë, banorët e Mallkuçit marrin rrugën drejt qytetit. Nuk dihet se kur ka qenë hera e fundit që mjeku është parë të shkelë në këtë fshat. Arturi tregon se njerëzit po vdesin rrugëve për shkak të mungesës së ambulancës, dhe po nuk dëgjoi njeri kështu ka për të qenë fati i tyre edhe për shumë kohë.

Category:

News & Politics

Tags:

• Albania
• Shqiperia
• Gomari

[xixa1969]

ke shume te drejte se rrugen e ben shtetipor ne qoftese ky popull nuk del ne rruge te protestoje kunder hajduteve qe vjedhin keshtu do shkoje perhere dhe ta mendosh se jemi ivetmi shtet ne europe qe ke 6 kanale hd si thua ti ku i merr leket

[TRAZUAR]

aha mire e ke por populli jone ja rri si dele, ja e djeg fare. Dmth jemi extremista ne te dyja polet, nuk e dime sesi te kerkojme te drejtat tona ne nje menyre konsistente.

Kur fillon dhe ngrihet dikush ne Shqiperi ne proteste fillojne edhe u kujtojne 1997. Po te them te drejten me mire te vdekur nen dhe, sesa te vdekur mbi dhe, se vajti populli 20 vite trazicion, ne asnje vend tjeter te botes, vetem ne Shqiperi.

[xixa1969]

video eshte shume prekese por du me i thane ketij zotnise se po nuk punove nuk vjen rruga vete

[TRAZUAR]

Me ca te punoj, ai ndaj po mundohet te vej tutje thu me varke e me gomar te punoj. Infrastruktura i perket ta bej shteti, spitalet si edhe shkollat. Le ti coj qeveria keto investime e te punesoj njerezit atje, se Shqiptaret kane vajtur kan e ndertuar rruget e shteteve te tjera jo me te tyret.

[maj2007TuriKafazit5]

PERSHENDETJE, UN JAM ARTUR JAKU (ARTURI KAFAZIT 5) KY ESHTE DOKUMENTARI IM I PARE AMATOR. (KORRIK 2009). VIDEO ORIGJINALE KA TE SHENUAR (VERSIONI ORIGJINA). ESHTE DICKA E VECANTE QE NJE FSHATAR TE BEJE DOKUMENTAR AMATOR PER FSHATIN E TIJ NE DY GJUHE SHQIP "GOMARI NE VARKE" DHE ANGLISHT "DONKEY ON THE BOAT". FALENDEROJ "TRAZUAR" QE KA POSTUAR VIDEON TIME NE INTERNET.

[cindynylove]

u knaq gomari ..... do te jet tu mendu : edhe nji xhiro edhe nji xhiro !!!!! LOOOOL

[Erlind255]

Nuk eshte gomari ne varke... Gomaret ne varke... bashk me ty! Na flliqe vendin mo i mjer!:D

[Erlind255]

Kam pershtypjen se jane 2 gomar ne varke...