staatsaffäre

Sie säged wer d'Schwiiz liebt, dä wählt sie
Ich find wer nur für sich luegt verwählt sich
Will ä Gsellschaft, die muess grächt sii
Dörf -- alles was rächt isch -- nöd z'rächts sii
Egal ob Chopftuech oder Chäppli
Hauptsach vor dim Grind häts keis Brättli
S'Gärtlidänke mag ja guet und nett sii
Aber nur dä Sinn für d'Gmeinschaft isch würkli sexy

Ich will ä Staatsaffäre
Ha Luscht uf än Flirt wo d'Bequämlichkeit stört
Ich will ä Staatsaffäre
Ä Beziig wo knallt, will mini Stimm nöd verhallt
Ich will ä Staatsaffäre, ich bruuch ä Staatsaffäre

Hand uf s'Herz, mir alli finded Giiz geil
Nur dummerwiis hät das für mängi au Nachteil
Au wänn'd vill abkassiersch söttisch nie vergässe
S'git Lüüt, die treied jede Franke um für z'Ässe
Egal ob'd än grosse fette Schlitte fahrsch
Oder dich lieber uf Tram und Velo verlahsch
Willsch fürschi cho söttsch nöd uf dä Bräms stah
Drum dörfe mer d'Schwiiz nöd dä Nei-Säger überlah

Ich will ä Staatsaffäre
Ha Luscht uf än Flirt wo d'Bequämlichkeit stört
Ich will ä Staatsaffäre
Ä Beziig wo knallt, will mini Stimm nöd verhallt
Ich will ä Staatsaffäre, ich bruuch ä Staatsaffäre

Sie sind en Teil vo ois -- die wo überhole wänd
Sie sind en Teil vo ois -- wo nüt uf Karriere gänd
Sie sind en Teil vo ois -- die wo Hilf bruuched
Sie sind en Teil vo ois -- wo's Glück im Gäld sueched
Sie sind en Teil vo ois -- wo'd Sorg um d'Heimat plagt
Sie sind en Teil vo ois -- wo vom'ne Chrieg verjagt.
Sie sind en Teil vo ois -- wo wänd go d'Wält rettä
Sie sind en Teil vo ois -- wo ständig aaegged

Mir händ ä Staatsaffäre
Mir liebed äs Land mit Respäkt und Verstand
Mir händ ä Staatsaffäre
Sind vernaart in än Staat wo au's Fremde zuelaat
Mir händ ä Staatsaffäre, mir händ ä Staatsaffäre

Mir händ ä Staatsaffäre -- will mir zwei, mir sind eis
Mir händ ä Staatsaffäre - ois Liebi isch heiss...

Category:

People & Blogs

Tags:

• staatsaffäre
• politsong
• zürich
• nationalratwahlen
• politik
• sp
• sozial
• demokratisch
• gesellschaft
• Kopftuch
• Chäppli
• Velo
• Flirt
• Karriere
• Heimat
• Respekt
• Fremde
• Geiz
• Reggae
• Wahlen
• Nationalrat

[AllegroConSpirito1]

Excellente qualité !

On se réjouis d'avoir la traduction française !

[SPKantonZuerich]

Ist ein Projekt um die SP-Mitglieder Nina Vetterli-Treml und Jan Graber. Gesungen wurde der Song von Tobi Röthlin

[dodojud]

big up! wer singt das lied?