Paolo - Napule 'e mo - di Ottavio Buonomo

NAPULE 'E MO'

Turnanno ajere a Napule,
aggia scuperto tanta cose nove,
'e viche, 'a "ggente, 'e vasce, 'e "vvoce.

'Nu Paraviso è 'a Villa Cumunale
fatti 'ncoppo 'a nuvole 'e evera
'nfra sante, funtane e chalet.

Abbascio 'a marina 'a voce d'e furastiere,
spagnuole 'ca vanno a Capri, frangise a Proceda
e 'nu gruppo 'e zetelle 'e'll'alt'Italia ca vanno a cuozzo.

'E castielle 'ca cadono a "mmare,
'e guagliune 'ca se tuffano d'e scoglie,
'a spiga cotta, 'o cocco frisco e 'o taralluccio 'e nzogna.

Quanta culure, quanta voce, quanta rummure,
'e "mmachine sonano e 'o mare canta,
e ì "mmiezzo 'a sti "ddoje campane me fermo a guardà.

Dint'e viche è tutta n'addore 'e mangià,
"rraù, sasiccia, pummarole, aglie sfritte,
pasta 'e "ffasule, friarielle e baccalà.

'Pe purtune siente 'a voce d'e "ccummare,
si Rosa chiamma a 'Ndunetta s'affaccia Maria
e si 'Ndunetta vò a Maria s'affaccia Rosa.

Ogne matina è n'addore 'e cafè,
'nu raggio 'e sole int'a 'na tazza,
"cchi 'o "vvò amaro e "cchi 'o "vvò doce.

Dint'o marcato 'e Garibbaldi,
chi te venne 'o quadro 'co pruverbio antico
e chi te 'nfila 'na cinta 'e pelle int'o cazone.

Napule è "dde napulitane,
nun ce sta niente 'a "cche "ffà,
"cchiù ce sto luntano e "cchiù 'a voglio bene.


(da "Prime piogge di settembre" - 2004)

Category:

People & Blogs

Tags:

• Paolo
• Napule
• 'e
• mo
• di
• Ottavio
• Buonomo
• (da
• Prime piogge di settembre
• 2004)