Conference of Aegean Macedonians in Bitola

08.07.2007
Conference of Aegean Macedonian associations "Egej" (Aegean) held in Bitola -
the members, the expelled ethnic Macedonians from Aegean Macedonia from 1948-49, adressed to Athens to allow them to return to their places in Aegean Macedonia, to abolish rascistic laws and to reject the resolution of the Saloniki major concerning the non- recognition of the Republic of Macedonia.


Во Битола претпладнето Македонците со потекло од Грција се обединија. Здружени упатија енергични барања до властите во Атина -- да дозволат враќање на протераните, да се укинат расистичките закони и да се отфрли најновата резолуција на градоначалникот на Солун за непризнавање на Македонија. За отец Царкњас кој дојде на собирот изјавата на амбасадорката Гросоманиду, која ја налути нејзината шефица Бакојани, е вистината за бесмисленоста на спорот кој Грција го води со Македонија околу името.

Обид за ново помирување на егејските здруженија. Си подадоа рака, ама сите не се смирија. Вака денеска во Битола помина Координативната конференција на етничките Македонци протерани од Грција.
Нивна цел беше да се обединат за заедничко дејствување пред државните и меѓународните институции заради остварување на нивните демократски права, бидејќи долги години беа раскарани.
„Не бевме раскарани, но имаше одредени здруженија, не сакам да напаѓам денеска, кои не се согласуваа со едно такво обединување", изјави Александар Поповски, претседател на Здружение на Македонците од Егејскиот дел на Македонија.
Најголем оптимист од денешната средба беше свештеникот Никодим Царкњас, кој допатува од Грција за да ги охрабри присутните да си подадат рака.
„Јас ќе бидам многу среќен, многу радосен и весел ако од овој состанок излеземе единствени, со рацете фатени, како што бевме на почетокот", рече Никодим Царкњас, свештеник од Грција.
Гоце Петровски, претседател на ОМПЕМ, оваа средба ја оцени како неуспешен обид, бидејќи иницијаторите на своја рака ја игнорираа ланската иницијатива на Македонскиот конгрес и не го поканија Тодор Петров.
Петров денеска приватно беше во Битола и рече дека намерно се прават обиди за разединување на Македонците, како на оваа маргинална конференција.
На денешната средба беше донесена резолуција што ќе биде упатена до Европарламентот за одбивање на барањето на грчкиот градоначалник Папагеоргопулус за непризнавање на Македонија.

Category:

News & Politics

Tags:

• Republic
• of
• Macedonia
• Ethnic
• Macedonian
• Makedonija
• Makedonien
• Mazedonien
• Macedoine
• Tsarknias
• Greek
• Discrimination