Kape't Pandasal March 7 Birthday Episode

Kape't Pandasal March 7 (Huwag mangamba, ang Diyos ang bahala)

Magandang umaga po. Ako po si Bro Ernald, ang inyong muling makakasalo upang mag Kape't Pandasal. Noong makalawa lang po ay nagdiwang po ako ng aking kaarawan. May ilan pong mapamahiin ang nagkapagtanong sa akin kung hindi ba't malas ang ipinanganak sa panahon ng kuwaresma. Malas? Ang tanong ko naman. Pag naniniwala tayong hindi tayo kinalilimutan at pinababayaan ng Panginoon, maniniwala pa ba naman tayo sa malas? Ang masaklap na kamalasan, sa tingin ko ay iyong nagpapadala sa takot ng walang katiyakan.

Sa ebanghelyo ngyong araw na ito, mababalitaan natin na si Hesus, kahit na may mga nagtatangka na sa kaniyang buhay ay nandoon pa rin sa templo at nangangaral. Kung matatakutin ang ating Poon, malamang nagtago na lang Siya sa Kanilang bahay. Subalit dahil ultimo ang pangamba ng kamatayan ay hindi niya iniinda, malaya niyang nagagawa ang kagustuhan ng ating Ama. Tayo po kaya, ilang pagkakataong makapaglingkod sa kapwa at makapagbigay pugay sa Diyos na ang ating napalampas dahil sa takot na tayo ay mapahamak?

Bagama't walang taong tunay na walang kahit na anong takot, mainam na malaman natin na ang labis na pagkatakot dahil man sa pamahiin o kung ano pa man ay malaking hadlang upang tayo ay tunay na makapamuhay nang tama. Inaanyayahan tayo ng Panginoon na harapin ang kinatatakutan at magtiwala, na sa gitna ng ating pangamba, naririyan Siya upang tayo ay iligtas at pangalagaan. Manalig tayo, kaibigan, hindi Niya tayo pababayaan. Siya nawa.

Category:

People & Blogs

Tags:

• Ernald
• Andal
• Jesuits
• SLB
• Simbahang
• Lingkod
• ng
• Bayan
• JesCom
• Leap
• Year
• Kape
• Pandasal
• birthday
• abercrombie

[Popesepe]

Thanks bro!

[iamleml]

Nice :)