Dicidi - Rosabelle Illes

This poem entitled "Decide" features in Rosabelle Illes' second book of poetry entitled "Spiel di mi Alma" to be introduced 21st of December 2010 at Aruba Surfside Marina from 6:00PM to 9:00PM.

E poesia titula "Dicidi" ta saca for di Rosabelle Illes su segundo buki di poesia titula "Spiel di mi Alma" cu lo wordo introduci 21 di December 2010 na Aruba Surfside Marina pa 6:00PM - 9:00PM.

Dicidi

Dicidi kico boso kier pa mi ta
Boso kier un baile cu coreografia bou guia di uno cu no a biba?
Dicidi
Boso kier dramatisacion cu actuacion sin talento y sin pasion?
Dicidi
Boso kier pa mi sigui regla?
Boso kier pa mi floria e tema?
Boso kier pa mi ta arte of boso kier pa mi ta cobarde?
Ban lanta para awor cu mi ta boso dilanti
Dicidi!
Boso no kier trece cambio?
Boso no kier pa mi grita
Boso no kier pa mi sapatia
Boso no kier pa mi expresa loke mi ta sinti?
Boso kier pa mi participa pero kisas mi ta dimas?
Mi ta compronde boso motibo
Anto den mesun rosea mi ta bay uza boso estilo
Uza boso hilo pa cose un dashi cu ta sinta mi preta
Cu ta sconde pa politica cu kier a cera mi pero no por a paga mi suficiente pa mi sinta cu mi frenta na suela
Hey! Un'ta wega!
47 aña mi tin pero mi tawata existi prome cu mi a nace asina ta esaki no ta un base
Kit'e bachi! Kit'e dashi! Anto laga mi sunu y pinta mi manera bo ta mira mi
Anto no bisti mi den un cuadra mi kier ta bo spada!
Mi kier yuda bo kit'e miedo, ta bo tereno!
Mi kier pa boso realisa mi poder
Teatro mi ta y arte mi ta y ta keda produci
Ami a dicidi.

© Rosabelle Illes, 2010

Many thanks to Wilfred Jansen, Indzee Hernandis, Eribert "Beach" Delamare, Aline Hibbert and Mo Mohammed

Category:

Education

Tags:

• Dicidi
• Rosabelle Illes
• Aruba
• Poetry
• Poesia
• Rosabelle
• Spiel di mi Alma
• Papiamento
• Art
• Arte

[1ndziib0o]

Nice!!