Makedonska siromastija: Sekoj tret graganin vo Makedonija e siromasen (2011)

Од вкупно 324 илјади невработени, 96 илјади повеќе од осум години бараат работа, но се уште на ја нашле. Нови работни места се помалку - експертите укажуваат дека земјава не води успешна политика во привлекување на странски инвестиции.

Токму во оваа насока, вчера премиерот Груевски доби понуда од Баросо, да се организира самит, каде европски експерти, ќе делат совети за македонската економија. Зборувајќи за потребата од странски инвестиции - Баросо ги потенцираше слабостите, поради кои инвеститорите ја одминуваат Македонија.

„Судството и администрацијата се исто така витални за економскиот развој. На вашата земја и требаат капитални инвестиции однадвор, за да може да има раст. Странските инвеститори ќе дојдат кога ќе им се гарантира дека имаат непристрасен правосуден систем и ќе им се обезбеди ефикасна јавна администрација", вели Баросо.

Бизнисмените укажуваат дека Македонија мора да се насочи кон развој на малите и средни претпријатија и вработувањата.

„Сега да влеземе во ЕУ, пола од нашето стопанство можеби ќе пропадне, поради нивото на кое што се наоѓа. Мора да се посветиме на развивање на претприемаштвото и на развивање на малите и средни претпријатија", изјави Златко Калеников, претседател на ССКМ.

Повеќе од 300 магистри и доктори на науки се без работа, секој трет Македонец е сиромашен - поразителни економски параметри.

Лани во Македонија влегоа 221 милион евра странски инвестиции, што е повеќе од претходната година, но не затоа што дошле нови компании, туку бидејќи во пресметките влегле реинвестираните добивки на фирмите, што работат во земјава, акционерскиот капитал и кредитите што ги земаат.

Category:

News & Politics

Tags:

• Makedonska
• siromastija
• Sekoj
• tret
• graganin
• vo
• Makedonija
• siromasen
• 2011
• makedonci
• gragani
• македонија
• сиромашен
• сиромаштија
• македонци
• граѓани
• жители
• влада
• вмро
• дпмне
• година