DETENSHON ILEGALNAN

Durante un kòntròl konhunto ku funshonarionan di BAB i SVB, a hasi, polis a detené un kantidat di 35 estranhero na diferente sitio di konstrukshon den area di Jan Tiel.
For di mainta e agentenan tabata riba pia pa kontrolá si estranheronan ku ta traha den konstrukshon na Jan Thiel ta disponé di e pèrmitnan nesesario. Mester bisa ku e agentenan a bai ku basta estranhero durante e kòntròlnan, pa ta mas eksakto 35. A hiba nan priméramente warda di polis na Rio Canario, kaminda famia i konosí di kuater di nan a kore yega ku algun dokumento pasina mustra polis ku nan estadia na Kòrsou ta legal i ku nan tin permit tambe pa traha. Komo ku e demas 31-nan no tabata por a proba mesun kos, polis a transportá nan den vehíkulo spesial pa barak na Prizòn Bon Futuro kaminda nan ta keda pendiente nan deportashon. E 31 estranheronan detené ta di nashonalidat Indones, Jamaquino, Venezolano, Colombiano i Dominikano. Polis den estrecho koperashon ku funshonarionan di BAB i SVB lo sigui ku kòntròlnan dirigí den e dianan benidero riba estranheronan ku ta traha ilegal na Kòrsou.

Category:

People & Blogs

Tags:

• TELENOTISIA
• TELECURACAO
• TELEKORSOU
• CURACAO
• KORSOU
• CURACAO NIEUWS
• NIEUWS
• NOTISIA
• TELENIEUWS
• DETENSHON ILEGALNAN