Dritëro Agolli-LETRAT

Kur dashuroheshim në kohën tonë,
Kur tretesha dhe digjesha për ty,
Nga njëri-tjetri letrat vinin vonë,
Kalonte dhe një muaj apo dy.

Po ndofta dashuria mbahej gjallë,
Se zjarrin mbanin letrat në udhëtim
Me bicikletë a mushkë apo me kalë
Në vapë e shi, dëborë dhe thëllim.

Kur dashuroheshim në kohën tonë
Me zor na vinin letrat fshat-qytet
Nuk kishim nëpër dhomë telefonë
Dhe në ëndërr s'kishte faks dhe internet.

Megjithatë më mirë që nuk kishte
As telefon, as internet, as faks,
Se fjalë e nisur shpejt dhe mund ta vriste
Një dashuri të vjetër për një cast.

Category:

People & Blogs

Tags:

• Dritëro
• Agolli
• LETRAT

[shejtane1]

Megjithate, me mire qe nuk kishte, as telefon, as internet, as faks,

Se fjala e nisur shpejt, mund te vrase nje dashuri te vjeter, per nje cast

:((

Mrekulli e gjitha !