Panuluyan'08 (Bauan Church) Part 9

Ang Panuluyan ay isang Pamaskong pagtatanghal kung saan isinasadula ang unang Pasko na nangyari pa sa Bethlehem. Ang mag-asawang Jose at Maria ay naghanap ng matutuluyan upang isilang ang Mesiyas na si Hesus. Karaniwan sa Panuluyan ay may tatlong bahay na kakatukan ng pinto ang mag-asawa. Sa mga may-bahay ay walang makakapagpatuloy maliban sa isang maybay na magpapagamit ng sabsaban. Karaniwang isinasagawa ang dulang ito sa bisperas ng gabi ng Pasko o sa Christmas Eve.
Sa panahong ito ay kakaunti na lamang sa Pilipinas ang nagsasagawa ng Panuluyan. Ngunit sa ibang lugar ay ipinagpapatuloy pa rin ang tradisyong ito. Sa Bicol ito ay tinatawag na kagharong o panharong-harong, na ang ibig sabihin ay pagpunta sa iba-ibang bahay. Maytines naman ang katawagan ng mga taga-Cavite na ang kahulugan ay maagang pananalangin ng mga Katoliko. Sa ibang lugar naman ito ay isinasagawa sa pamamagitan ng paawit o patula. Ngunit ang kakaiba sa lahat ay ang bersiyon ng mga taga-Kawit, Cavite. Isinasagawa nila ito sa pamamagitan ng prusisyon na kinatatampukan ng halos 70 karosa. Ang bawat karosa ay naglalarawan ng mga sinaryo hango sa Biblia kasama ang mga mahahalagabg tauhan nito, kagaya nina Adan at Eba, Samson at Delilah at kung sino-sino pa. Sa pinakadulo ng prusisyon ay karosa ni Jose at Maria. Ang mag-asawa ay nakatakdang bumaba ng karosa at papasok sa simbahan habang inaawit ang Gloria sa misa ng hatinggabi. Sila ay didiretso sa inihandang belen at doon isisilang si Hesus.

A Christmas Presentation presented by Immaculate Concepcion Youth Choir.

Category:

Music

Tags:

• Panuluyan