Mimmo Maglionico & Pietrarsa - Sinàn Capudàn Pascià

Dall'album Canti Randagi 2 del 2010 (registrato al Teatro Masini di Faenza la sera del 28 Novembre 2009).
Testo e musica di Fabrizio De André e Mauro Pagani.
Versione in napoletano di Gennaro Del Piano.
Arrangiamento musicale di Mimmo Maglionico e Pietrarsa.

http://www.fondazionedeandre.it/index.html
http://www.mimmomaglionico.it/

'A luna sta 'ncoppa 'e bbannere
e 'ncapa arravoglio mappine
i' mo' nun so' chille ca ero
m' 'a faccio cu 'sti Sarracine
'ncoppa a ll'onne d' 'o mare
'o pesce tunno
si 'e ffemmene so' brutte
torna 'nfunno
'ncoppa a ll'onne d' 'o mare
'o pesce palla
si 'e ffemmene so' belle
vene a ggalla!
E m'hanno pigliate ch'ero 'uaglione
'sti Turche, mettennome ind' 'a priggione!
Me putevo salva' sulo a ffa' 'o surdate...
pe' ccampà 'a vita mia, dongo 'a morte a ll'ate!
Jammo, 'a guerra s'adda fa'...
'bbùscate 'o ppane!
Tu si' 'na scimitarra
e p' 'o Sultano...
jammo, 'a guerra s'adda fa'...
menammo 'e mmane!
Pecché tu mo' si' Turco
e no crestiano!
E chesta è 'a storia mia,
e mo' t' aggia cuntà...
e primma ca 'a vicchiaia
me vene a scunceca',
te conto 'o fatto mio:
io me chiammo Sinàn...
e, sotto a n'atu ddio,
Sinàn Capudàn Pascià!
'Na notte, truvanneme a pròra
sentenno d' 'o mare l'addore
a buordo 'o Sultano ca magna,
'o viento 'a'ntrasatta ca' cagna:
cu 'e Turche pigliate d' 'o suonno
'a varca già quase s'affonna...
vutaje 'o temmóne a lebbéccio
sarvannoce 'a pelle e 'o sciabbecco!
Siente' bella mia
'a ciorta è malauciello
ch'avota attuorno 'a capa
'o puveriello
siente' bella mia
'a ciorta è 'nu cetrulo
ch'avota, avota, accosta
e te va 'nculo!
E chesta è 'a storia mia,
e mo' t' 'a 'aggia cuntà...
e primma ca 'a vicchiaia
me vene a scunceca',
te conto 'o fatto mio:
i' me chiammo Sinàn...
e, sotto a n'atu ddio,
Sinàn Capudàn Pascià
e dico a chi 'nfame m'ha 'nnummennato
ca 'nu marenaro so' sempe stato...
nun aggio traduto, e nun va all'inferno
chi jastemm' a Maometto e no 'o Pataterno!
'Ncoppa a ll'onne d' 'o mare
'o pesce tunno
si 'e ffemmene so' brutte
torna 'nfunno
'ncoppa a ll'onne d' 'o mar
'o pesce palla
si 'e ffemmene so' belle
vene a ggalla!
'Ncoppa a ll'onne d' 'o mare
'o pesce tunno
si 'e ffemmene so' brutte
torna 'nfunno
'ncoppa a ll'onne d' 'o mar
'o pesce palla
si 'e ffemmene so' belle
vene a ggalla!

Category:

Education

Tags:

• Movie