"Генерал няскончанай вайны". Анонс

Трэйлер фільму пра Станіслава Булак-Балаховіча першага генерала Беларускай Народнай Рэспублікі і генерала польскага войска. Падчас жыцця, як і пасля трагічнай смерці, адныя лічылі яго наймітам і авантурыстам, а іншыя пакутнікам і героем.

Вайсковую кареру ён пачаў у расейскай кавалерыі падчас І сусветнай вайны. Пасля яе завяршэння аказаўся на баку чырвоных. А пасля са сваім палком перайшоў да белых. Змагаўся за незалежную Эстонію. У 1920 г. звязаўся з ўрадам БНР і папрасіў прыняць яго на беларускую службу. На другі год польска-бальшавіцкай вайны разам са сваімі беларускімі аддзеламі прабіўся на польскі бок фронту і ўзяў удзел у абароне Варшавы летам 1920 г. Пасля заключэння пераміря паміж Польшчай і Савецкаю Расеяй на чале добраахвотніцкай арміі перайшоў польска-расейскую мяжу на Палессі ды здабыў Мазыр, дзе абвесціў сябе начальнікам беларускай дзяржавы. Аднак пасля цяжкіх баёў ягоная армія мусіла адступіць на тэрыторыю Польшчы, яе расфармавалі, а жаўнеры зазналі інтэрнаванне.

У 1939 г. генерал ізноў апрануў мундзір і другі раз у сваёй кар'еры абараняў Варшаву, гэтым разам ад гітлераўскай навалы. Паводле афіцыйнай версіі, яго застрэлілі гестапаўцы ў акупаванай польскай сталіцы ў траўні 1940 г.

Аўтары першага ў гісторыі дакументальнага фільму пра Станіслава Булак-Балаховіча шукаюць адказу на пытанні, кім насамрэч быў, за што змагаўся і як загінуў генерал, трагічна звязаны з гісторыяй беларусаў і палякаў, наш супольны герой.

Category:

Film & Animation

Tags:

• белсат
• булак-балаховіч
• булак-балахович
• belsat
• балаховіч
• балахович
• bułka
• bałachowicz

[musiclover0103]

Treiler...A dze zh film znaisci??

[ibelsat]

na belsacie.

[TheTRANSINTERLUXTORP]

Budzie cikava! Pazdraulaju! Zhyvie nasza Baćkauszczyna!

[musiclover0103]

Dzjakuj!))