Akranes Solarlag Breidin1.mp4

Ysti tangi Akraness heitir Breið. Þar standa tveir vitar og þar má finna minnismerki um sk. Hafmeyjarslys, sem varð snemma á öldinni sem leið þegar ungmenni af Akranesi fórust undan Breiðinni þegar þau voru á heimleið af vertíð á Reykjanesi. Minnismerkið um Hafmeyjarslysið stendur á Suðurflös, skammt frá Gamla vitanum á Breiðinni og er eftir listamanninn Bjarna Þór frá Akranesi. Það var reist af Kiwanismönnum til minningar um 11 manns sem fórust á þessum stað með sexæringnum Hafmeyjunni árið 1905 en fólkið var að koma af vertíð frá Reykjanesi. Á meðal þeirra sem fórust voru fimm systkini frá bænum Kringlu og þrír bræður frá Innsta-Vogi. Breiðin er afar vinsæl útivistarparadís, þangað sækir fjöldi fólks í brim, fjölbreytt fuglalíf og skemmtilegar fjörur.

Category:

Travel & Events

Tags:

• Breiðin
• Akranes
• Gamli vitinn
• vitar
• fuglar
• brim
• sólarlag
• náttúra
• útivist
• gönguleiðir