Kape't Pandasal March 28 Easter Episode

March 28 Isabuhay natin ang tunay na diwa ng pag-ibig sa kapwa

Magandang umaga po. Ako po si Bro Ernald, ang inyong muling makakasalo upang mag Kape't Pandasal. Narinig po natin noong nakalipas na semana santa kung paanong si Pedro ay itinanggi ang Panginoon ng tatlong ulit dahil sa takot na baka siya ay mapahamak din. Ngayong araw na ito maririnig naman natin sa ebanghelyo kung paano tatanungin ni HesuKristo si Pedro kung minamahal nga ba niya Siya. Tatlong ulit ding tutugon si Pedro, "Oo minamahal kita."

Paano nga ba minamahal ang Panginoon? Minamahal Siya hindi lamang sa isip at sa salita, kundi higit sa lahat, sa ating paggawa. Hindi man tayo maging ganap na santo, alam natin na kahit papaano mayroon tayong magagawa kabutihan upang makatulong sa kapwa, lalung-lalo na sa kapatid nating dukha. Itong pagmamahal natin ay hindi lamang sa pagbibigay ng kung anomang sobra, kundi sa pagbabahagi mismo ng ating sarili, ng ating talento at lakas, ng ating pinagsumikapang kayamanan.

Siguro'y narinig na natin ang katagang "give until it hurts", ang sabi naman ni Mother Theresa, "give until it hurts no more". Kung tunay nating minamahal ang ating Panginoon, hindi natin kailanman matatakasan ang pananagutan natin sa ating kapwa. Kaya, kaibigan, bilang pagdiriwang ng muling pagkabuhay ni Kristo ating minamhal, nawa'y maisabuhay natin ang tunay na diwa ng pag-ibig sa kapwa, kapuso man o kapamilya. Amen.

Category:

People & Blogs

Tags:

• Ernald
• Andal
• Jesuits
• SLB
• Simbahang
• Lingkod
• ng
• Bayan
• JesCom
• Leap
• Easter
• Kape
• Pandasal
• birthday
• Jesus
• Christ
• Risen
• love