VIDEO - SESIÓNS VIBRACIONAIS NA SALA NASA - TRIATONE TRIO - 10-11-09

Ricardo Tejero (saxo, clarinete), Mark Sanders (batería) , Pablo Pérez (contrabaixo)
Triatone é un trio formado dentro da incesante e sempre dinámica escena da improvisación británica polo saxofonista e clarinestista Ricardo Tejero, o contrabaixista Dominic Lash e o batería Mark Sanders. Os tres músicos comparten a idea de traballar a improvisación libre desde unha formación case paradigma da tradición do free jazz americano (cotrabaixo-batería-vento), pero tentando manter a liberdade de creación que leva a quebrar concepcións estéticas e de linguaxe pre-establecidas. Nesta ocasión, Mark Sanders e Ricardo Tejero preséntanse en España a carón de Pablo Pérez, contrabaixista galego pertencente á orquestra OMEGA, un músico moi activo na escena galega e estatal.

Mark Sanders é un dos máis versátiles e creativos baterías británicos e un habitual dos máis importantes escenarios da música improvisada en Europa. Dentro da extensa nómina de artistas cos que ten colaborado, pódese citar a Derek Bailey, Peter Brotzman, Charles Gayle ou Evan Parker, con quen realizou xiras por Xapón, USA e Europa. Ricardo Tejero é un dos poucos músicos españois instalados solidamente na apasionante escena musical londinense, tocando con músicos como Steve Noble, Mike Hurley, John Edwards ou Tony Marsh, entre outros moitos. Ten o seu propio quinteto Ensemble Progresivo, un grupo que trabilla a improvisación dentro dun marco compositivo. E forma parte tamén da orquestra FOCO e de LIO (London Improvisers Orchestra), xunto a destacadas lendas da improvisación como Lol Coxhill, Steve Beresford ou Phil Waschman.
www.myspace.com/ricardotejero
http://www.marksanders.me.uk/

*Información obtida de www.salanasa.com

Category:

Music

Tags:

• VIDEOTECA
• GALEGA
• TRIATONE
• TRIO
• SALA
• NASA
• SANTIAGO
• COMPOSTELA
• CORUÑA
• GALICIA
• GALIZA
• JAZZ
• Ricardo
• Tejero
• saxo
• clarinete
• Mark
• Sanders
• batería
• Pablo
• Pérez
• contrabaixo
• SESIONS
• VIBRACIONAIS