Batobalani sa Gugma - Gozos - Sto. Niño Parish, Bula, GenSan

*All Rights Reserved*
By: Niño Nobela Cosina
Brgy. Bula, Gensan City

BATOBALANI SA GUGMA

Batobalani sa gugma,
Sa daan tawo palanga.

KANAMO MALOOY KA UNTA
NGA KANIMO NANGILABA

Dinhi sa siudad sa Sugbo
ang matahum larawan.
sa unang mga misionero,
sa usang balay hipalgan.
Kanila ikaw nagpakita
gikan da sa imong gugma.
KANAMO MALOOY KA UNTA
NGA KANIMO NANGILABA

Giludhan ikaw gisingba
niadtong mga kaparian
sa tanan nga katawhan
sa mga ponoan nila:
kay sa pagtan-aw kanimo
Kristianos sila nahimo.
KANAMO MALOOY KA UNTA
NGA KANIMO NANGILABA

Ang singbahan gipatindog
niadtong mga tawhana,
aron ang larawan nimo
dunay usang puluyanan.
ug didto gihangyo nila
nga kaluyan nimo sila.
KANAMO MALOOY KA UNTA
NGA KANIMO NANGILABA

Nangayo kami kanimo
nga ang matahum mong larawan,
sa sulud sa kalag namo
makahimong puluyanan,
kay sa tanan kinahanglan
ikaw ang among dalangpan.
KANAMO MALOOY KA UNTA
NGA KANIMO NANGILABA

Category:

Music

Tags:

• Bula
• GenSan