《無敵貓劍俠》電影預告

《史力加》系列、《功夫熊貓2》幕後精英落足十二成功力爆笑打造《史力加》系列最受歡迎人物"皮靴貓"嘅瘋狂歷險故事。《黑俠梭羅》型男安東尼奧班達拉斯(Antonio Banderas)繼續聲演身手敏捷嘅皮靴貓；加上拉丁情人莎瑪希恩(Salma Hayek)化身成全新角色綿掌貓女俠，以及《醉爆伴郎團》搞鬼肥仔嘜碩加利費維基斯(Zach Galifianakis)聲演嘅大壞「蛋」蛋散阿歷山大，兩貓一蛋拍硬擋，出發尋找傳說中嘅魔幻仙豆。夢工場賀歲鉅獻《無敵貓劍俠》(Puss In Boots)貓聲賀歲，保證開心過癮！

故事簡介：
皮靴貓喺認識史力加之前，究竟有乜特別經歷？話說腳踏長靴、劍法一流嘅皮靴貓，一向Chok住嚟行俠仗義，冧死人無命賠，深受萬民愛戴！但係有一次，佢終於遇上一生中最大­考驗...為咗喺阿積同阿招手上偷走絕迹咗幾個世紀嘅傳說魔豆；爭奪一隻世人夢寐以求、會生金蛋嘅金鵝，皮靴貓遇到佢一生中最強嘅敵人：美麗動人、專搞作對嘅綿掌貓女俠；­以及一齊喺孤兒院長大嘅沙煲兄弟蛋散阿歷山大，並隨即展開一場魔幻歷奇大冒險！同場更會獨家披露皮靴貓「那些年，我們一起追的冷球」嘅童年生活，見識佢同蛋散之間嘅恩怨情­仇！


上映日期：1月21日

Category:

Film & Animation

Tags:

• 功夫熊貓2
• 史力加
• 黑俠梭羅
• 無敵貓劍俠
• 莎瑪希恩

[puihong321]

得英文?