ريم ماجد: لما يبقى عندنا ميت بنلبس أسود

تعالوا نفكر بصوت عالي ونحط شوية نقط على الحروف، وهابدأ بأهيف نقطة بس معلش عشان ديه حاجة تخصني أنا شخصياً: أمانة عليكم ما حد عاد يقابلني في حتة أو يبعت لي أي رسالة بأي وسيلة إن كانت يسألني: "هو انتي ليه ما تضحكيش في البرنامج؟!!! هو انتي إيه حبك في الرمادي؟!!! هو انتي ليه لابسة اسود؟!!!".... على فكرة أنا أكره ما علي النكد وما باحبش الرمادي أصلاً وباحب الأبيض والأحمر والأزرق والأخضر وكل ألوان الطيف المبهجة... بس احنا مش لاحقين نلون.. سلو بلدنا: لما يكون عندنا ميت بنلبس اسود لحد الأربعين، فما بالنا بالشهدا؟!!! واحنا بقى لنا عشر شهور، وقبل ما يعدي الأربعين نكون دافعين شهدا ومصابين جداد من دم قلبنا من زينة الشباب اللي مهندس واللي دكتور واللي طالب واللي شيخ واللي صنايعي واللي على باب الله ما فيهمش بلطجي ولا مسجل خطر.. يمكن هم بالنسبة لكم_وللأسف الشديد_ مجرد رقم أو خبر في نشرة أو في برنامج نادراً تحت مسمى شهيد وغالباً تحت مسمى قتيل أو ضحية، لكن في الحقيقة إنهم بشر لحم ودم.. الحقيقة إنهم أبهات وأمهات وضنا غالي.. الحقيقة إنهم ولاد ناس_وغالباً ناس على قد حالها لكن تعبوا وشقيوا عليهم وما طلعوش من الدنيا غير بيهم_ ولو بصيتوا حواليكم هتلاقوهم يا اما أهاليكم أو جيرانكم أو معارفكم أو معارف ناس معارفكم، لا هم العفاريت الزرق ولا من سلالة أمنا الغولة وابو رجل مسلوخة!!! ربنا يخليكوا ويخليلكم ولادكم وتفرحوا بيهم بس حطوا نفسكم ولو ثانية واحدة مكان أب ولا أم مكتوب عليهم يعيشوا محرومين من ابن ولا بنت عمرهم.. ولا أب وأم مستنيين ابنهم ولا بنتهم قدام باب المشرحة وبيعافروا عشان يطلعوا بتقرير يثبت إنه مات مقتول مش بهبوط في الدورة الدموية.. أو أب ولا أم مطلوب منهم يجيبوا صحيفة سوابق لابنهم الشهيد عشان يثبتوا إنه مش مسجل خطر.. أو أب أو أم شايفين المتهمين بقتل ولادهم أحرار طلقاء، بيمارسوا حياتهم وشغلهم أربعة وعشرين قيراط.. أو حطوا مكانكم حتى مكان أب أو أم مضطرين يغيروا أقوالهم ويتنازلوا عن حق ابنهم من خوفهم من كتر الضغط والتهديدات اللي بيتعرضوا لها من غير ما حد يحميهم ولا يقف جنبكم ولما ينزلوا يتحاموا في المعتصمين اللي في الميدان، تنزل الاتهامات ترف على دماغهم بالمزايدة والمتاجرة بدم ولادهم!!! حطوا نفسكم مكانهم لو قدرتوا وبعدين قولولي "اضحك ليه وعلى إيه وألون بأمارة إيه"؟!!!

Category:

News & Politics

Tags:

• ريم
• ماجد
• بلدنا
• بالمصري
• ONtv
• ON
• tv
• ثورة
• 25
• يناير
• ميدان
• التحرير
• شباب
• مظاهرة
• اعتصام
• جمعة
• الغضب
• الرحيل
• مبارك
• التوريث
• جمال
• البرادعي
• الحزب
• الوطني
• الإخوان
• المسلمون
• موسى
• البسطاويسي
• عمر
• سليمان
• مسرح
• البالون
• ماسبيرو
• أهالي
• الشهداء
• الداخلية
• عابدين
• 28
• يونيه
• يوليو

[5o5a6]

ريم ماجد انت بنت بمييت راجل مثال للاعلامية المحترمة معاكى حق والله من بداية القورة واحنا عمالين نضحى بشهدا ورا شهدا مش ملاحقين على التضحيات دى كلها وعشان ناس لسا بتقول عليهم بلطجية!!!!!!

[adelmuscular]

ريم ماجد جزمتك على دماغنا ودماغ كل الاعلامين الجبناء المنافقين المعرصين

[mahmoudhasheh]

تتحدث والله وكأنها ام صادقة وعفيفة اللسان فعلا ريم ماجد صاحبة مبدأ

[ahmedabbass59]

انت اصلا انسانة معقدة وعاوزة تعملنا فيها انك جيفارا وما اعرفش انت بتسخنى لية عاوزة تقنعينا ان قلبك على البلد البلد وقفت بسببكم حرام ياريم كرهتنى ان اتفرج على التوك شو

[amgedgoga]

كل واحد بيتكلم ومش عاجبو كلامها هو بيبرر جوبنو وذلو وياريت يحط لسانو في بقو وينكتم طالما مش بيعمل حاجة مفيدة البنت دي ارجل منه 100 مرة

[senima5]

يا ريم لا تتحدثى ضد المجلس أنا أنصحك علشان دول كلاب ممكن يخطفوكى ويتاووكى من غير ما تعرفى هما مين ,,, وممكن يقولوا إللى قتلوكى بلطجيه أرجوكى أنا بس خايف عليكى علشان مجلس التعريص ده ما يعرفش حق ولا عندهم شرف إن شا الله مش حينتقم منهم غير إسرائيل ,, إسرائيل بس هى الدوله الوحيده إللى ممكن تنيكهم كلهم وإن شأ الله هيحصل قريب جدآ ونشوف فيهم يوم ونرقص عللى نغمات جثثهم زى ما هما بيرقصوا ألآن مع بتوع العباسيه أصبرى بس إن إنتقام ربنا لشديد , ده أصبح جيش ومجلس لا يعرفوا إلللا التحسيس على البنات وهتك عرضهم

[alasier1]

الجيش لن يتركك تعمل شيئاً فى البلد لان اول واجبه حماية النظام فيا ام الاعتصام السلمى ورفع اليفت التى تنادى بالحرية ومقابل ذلك السحل والقتل مثل الدجاج,او القعود فى البيوت وانتظار محاكمة عسكرية لتمردك على النظام,او المقاومة فى سبيل الله والتحرير من هذه العبودية بس مقابل ذلك ان الدم سيصل الى الركب وهذا هو ثمن النصر والتمكين!

[ahmedalyluca]

الله ينور عليكي ياريم

بنت ب 100 الف راجل من امثال خيري رمضان وتوفيق عكاشة

[no2ono2o]

@jojzoro تشحن مين هو طول ما فيه أمثالك ممكن حاجة تشحنهم البت اتقلعت واتعرت يا ولاد الوسخة ومحدش اتشحن فاضل ايه ممكن يشحنكو الهي تتشحنوا ع المقابر انتو وكل كلب مركب دقن وكل كلب عامل اعلامي وهو خدام سيده

[2qewl4u]

Leh kol ma yeb2a feeh video le set shoga3a we wataneyya ben2ool 3aleha "be meet ragel" leh man2olsh enaha set gad3a?!

[00missrose]

el ysm3 el klam da we brdo hy8lt fehom w msh yt7rk mn mkano yb2a ml a5r da msh bne2adm

[zizielshazly]

ارجل من كل الدقون اللى جريت ورا الانتخابات وتجاهلت عن عمد كل ما يحدث من العسكر ومجلس العار