Ginebra Enters QF of KFC-PBA Philippine Cup 2008-2009 (acevergs)

Inakbayan ng Talk N Text ang league-leader Alaska (12-6) sa semifinals ng 2008-09 KFC PBA Philippine Cup, humabol din sa outright quarterfinals berth ang Barangay Ginebra kasama ang Sta. Lucia Realty at Rain or Shine.

Natakasan ng Tropang Texters (11-8) ang Air21, 109-108, sa unang game sa Araneta Coliseum, at nasungkit ng Gins ang pang-limang panalo sa anim na laro tuwing Christmas Day nang kubabawan ang Elasto Painters sa ikalawang laro, 63-58.
Ibinaon ni Ranidel De Ocampo sa 7th-8th spots ang pinanggalingang Air21 nang humaginit sa net ang kanyang last second shot na nagbigay sa Talk N Text na manipis na 109-108 panalo. Idinisenyo ni coach Chot Reyes ang huling play ng TNT para kay De Ocampo na tumapos ng 18 points at 16 rebounds sa unang laro laban sa kanyang dating team.
Hawak ang 10-8 kartada, ang Kings ay maghihintay ng makakatapat sa quarters mula sa mangingibabaw sa wildcard phase na sasabakan ng San Miguel (9-9), Purefoods (8-10), Air21 (8-10) at Coca-Cola (7-11).
Magsisimula sa Linggo ang rambulan ng apat. Makakatapat ng No. 6 ang No. 9 habang magtutuos ang Nos. 7 at 8.
Buong gabing naghahabol ang malamyang Elasto Painters bagamat nakapaglunsad ng pag-aaklas sa huling bahagi ng laro kaya umahon mula sa 41-23 deficit sa kaagahan ng third para dumikit sa apat, 62-58, mula sa dalawang free throws ni Gabe Norwood papasok ng huling 30 segundo ng laro.
Hindi umiskor ang Kings sa sumunod na possession at naibalik ng ROS sa kanilang court ang bola pero sumablay ang tres ni TY Tang at na-foul si Erik Menk sa rebound. Pumasok ang ikalawang free throw ni Menk, tumapos ng 15 points at 10 rebounds, para sa final margin.
Kahit 10 points lang si Jayjay Helterbrand sa 4-of-20 shooting, nakakuha naman ng double-double performance si Ginebra coach Jong Uichico mula kay Ronald Tubid na nagsumite ng 11 points at 10 boards. May 10 points at eight rebounds din si Junjun Cabatu.
Parehong matamlay ang dalawang teams. Ang Gins ay tumikada ng 27-for-85 (31.8%) mula sa field, pero nalimitahan ang ROS sa 21-for-77 (27.3%). Sa rebounding ay naungusan ng Ginebra ang Elasto Painters 64-52, tungo sa mas mataas na 21 second chance points ng una laban sa dadalawa ng kalaban.

Category:

Sports

Tags:

• PBA
• Ginebra
• Gin
• Kings
• Quarter
• Final
• Basketball
• Sports

[ghoku14]

!!A10XION!!

The H-Bomb is back.

Filipino-American Rudy Hatfield will suit up for the Barangay Ginebra Kings in the upcoming Philippine Basketball Association (PBA) Fiesta Conference starting on May, sports columnist Quinito Henson reported today.