Quel giorno che no gavemo più podesto pregar nela nostra lingua

Xè desso nele librerie de Trieste el dvd "Quel giorno che no gavemo più podesto parlar nela nostra lingua": el contien un documentario 'curto' de 18 minuti sula storia del dopoguerra de Lussingrande e oltre un'ora de interviste a esuli e rimasti de Lussìn. I video xè stai girai dal video-maker Fabrizio Pizzioli, col ruolo de giornalista de Enrico Maria Milič e con un progeto ideà e curà da entrambi.

Nel dvd, in particolàr, se parla de el dopoguera dela 'comunità italiana' de Lussìn in Jugoslavia: l'orgolio del'identità soto l'opressiòn de un regime nazionalista e socialista, el ruolo dela ciesa nel tajar le radise tra el passato veneto e'l viver de ogni giorno in serbo-croato, i lussignani che i se ramenta i bei tempi andai co «Lussìn iera italiana» perché la iera «sempre italiana».

Xè forsi el primo documentario esclusivamente dedicà sui tempi tra le seconda Guera Mondial e la fine dela Jugoslavia e, podemo dir, sule angherie subide de quei che parlava veneto-italiàn nei nostri teritori. Quela dei lussignani la xè una storia simbolica per tute le minoranze de lengua e de cultura del Litoràl Adriatico, de una parte e del'altra dei confini.

Trovè drento el dvd:
- el documentario 'curto' (18 minuti) "Quel giorno che no gavemo più podesto pregar nela nostra lingua"
- interviste aprofondide a sei lussingrandesi che i conta storie e storiele su Lussìn, riflessioni, i sui sentimenti rente al drama dela grande storia che la ga sconvolto tuti quei che i vivi qua
- e tuti i intervistai i parla nela nostra lingua: in lussignàn (che per qualchedun poi xè roba compagna del veneto e per qualchedun xè preciso del triestìn).

I autori:
- Fabrizio Pizzioli, 1977 de Trieste, el xè neuroscienziato gavendo studià e lavorà tra el Belgio e Londra. El ga girà video per ricerche de mercato tra Gran Bregna e Cina e adesso el vivi in Cina come psicologo, chef e videomaker.
- Enrico Maria Milič, 1976 de Trieste, el gà studià come antropologo le comunità dei lussignani residenti a Lussìn e nel resto del mondo. Come aministratòr de Nativi, el lavora a Trieste al svilupo de comunità ligade al teritorio, al'informaziòn partecipada e al magnàr dei nostri loghi.

Librerie dove trovè el dvd:
Fenice, via Battisti 6.
Einaudi, Via del Coroneo, 1.
Nerosubianco, via Oriani 4/B.
Indertat, via Diaz 22.

Category:

News & Politics

Tags:

• Esodo
• Lussìn
• Lussino

[13madmax]

Bellissimo!!

[ScottishShortbread]

Bello!!!