O Ateneo de Santiago, de novo en activo

O antigo presidente, Salvador García Bodaño, e outras persoas que foron membros da institución, queren agora reactivar o Ateneo como centro de exposición e debate. Fundárase no 79, nun momento, segundo García Bodaño, "de preocupación política, no que o principal era reafirmar a democracia nacente naqueles anos. Agora, xa nun tempo de madurez democrática, as preocupacións da cidadanía diríxense cara aos asuntos que conforman a cultura no máis amplo sentido".

Xunto ao presidente estaban na presentación Francisco Candela, María Tereixa Navaza, Javier Otero e Luis Pasín. Según Candela, o Ateneo -baseado nos principios do laicismo, da tolerancia, da convivencia pacífica e das ideas- "é un instrumento que pode posibilitar unha maior implicación, unha mellor comprensión dos problemas do mundo de hoxe dende a profundización cultural".

Category:

News & Politics

Tags:

• Ateneo
• Compostela
• cultura
• asociación
• nosa
• terra