Ná me prestaría más - Pedro Pereira (Xedré)

Acabo topar esto pel discu duru, pero nun tengo títulos nin lletres nin ná. Si alguien puede apurrime más información agradezco-ylo

Ná me prestaría más qui ser un chalgueiru
ya'scarabicar nu tou curazón
y ía que nun puede haber muita mechor chalga
qu'alcuntrame cuntigu nun abrazu d'amor

Guah.a, tu qui chevas el xeitu del miou pueblu nu alma
pumariel.la qui m'apurres to lo nidio nun remolín
faisme ser tan pequenu cumu una povisa nel airi
pero al tou l.lau tou tan bien
que sin priesa pudría murrer

Ná me prestaría más qui ser un vaqueiru
ya cuntigu na nueite vulver a embrañar
y ía que nun puede haber mechor alzada
que l.levantar lus tous suenus ya faelus realidá

Ama, tu qu'alministras d'afeitu la nuesa casa
nun deixes que lu mudernu faiga escaicer la túa l.lariega
cumu lus cuartus ya la comunidá fainos falta to lo que sabes
tantu sabichegu ya grandul.lón deixóu Asturias mocha

Ná me ta prestando más que falar n'asturianu
asina puedu dicir como sou you
sei que nun vou atoupar mechor calecha
pa cortexar ya namurate
qui las pal.labras d'eiquí

Guah.a, tu qui chevas el xeitu del miou pueblu nu alma
pumariel.la qui m'apurres to lo nidio nun remolín
faisme ser tan pequenu cumu una povisa nel airi
pero al tou l.lau tou tan bien
que sin priesa pudría murrer

Category:

Music

Tags:

• Folk
• astur
• pedro
• pereira
• xedré

[elazotesocial]

meca, esto ye un temón, onde venden esti cd ho?

[Telmoarturo]

Nun te sé dicir fíu, supongo que si das una vuelta per Cangas del Narcea de xuro que lo topes

[Telmoarturo]

Coño, pues dímeles ho, que les puengo bien :)

[Telmoarturo]

OK, gracies, y la lletra? ye asina? porque yo so del centru y tampoco controlo muncho l'asturianu occidental :(

[busgosito]

TITULO:

Ná me prestaría más.

L.LETRA:

Ná me prestaría más que ser un chalgueiru/ ya escarabicar no tou corazón.//Ía que nun pue haber muita mechor chalga/ qu'alcontrarme contigo nun abrazu d'amor.//

[nueitepiecho]

sacandu dous u tres cusinas cun respetu a la l.l ta perfeuto.Salú.

[nueitepiecho]

Esta chámase Na me prestaría más ya ta nel discu Xedre

[frantxuastur]

muitu prestousu ;)