Tag-Araw Ma'y Lilipas Din

thank you gary for giving me this opportunity. :)

Mga labing pinakaingatang labis nang di mabahiran minsan man

Upang busilak pang tanghalin pagsapit ng inaasam na tag-araw;

Pasalin-sali't mapanuksong mga panahon ay di siya natinag.

Kay tatag ng kanyang loob, sagilahan man ng takot na baka

Pagdatal nang mainitang pagtutuos, pag-ibig niya'y di makatawid

Kung nagurlisan na't maturingan mang Kristal ay bubog.




Mga patak ng ulan sa Tropiko'y bubuhos at tatangaying

Lahat maliban na lamang sa kanyang pusong mailap.

Bagyo ma'y iiwas ng landas na wari'y ligalig sa dami ng

Magkasing narahuyo't napalungi sa udyok ng dahas.




(Tunay siyang matapang! Gayon pa ma'y kay dilim ng gabing

Mapaghatid ng sukdulang hilahil.) At kung maramdaman na niya

Ang mga haplos ng daliri sa kanyang binti, agad siyang babalikwas

At tuloy mananalangin, itong birheng walang sinumang

nakapitas

At kamay man ng mapaglarong demonyo'y di nakuhang

gunawin.




Noong kami na nga'y pinagtagpo ng tadhana, nahawin ang tabing

Na pinagkukublihan ng kanyang angking kagandahan; balabal niya'y

Nalaglag at ako'y nasilaw sa maputla't malasutla niyang katawan

Na ilang sandali pa'y pumitlag sa buong higpit naming yakapan.




Ito nga kaya'y pag-ibig na tunay o panandaliang aliw lamang?




Tanong itong di niya maubos-maisip kung dapat pang sagutin,

o sinta kong pinagtampuhan ng panahon at kung Disyembre na'y

Giniginaw, nangulila sa sinag ng araw na kulimlim.

Category:

Film & Animation

Tags:

• karla
• flores
• gary
• ozaeta
• ateneo
• communications
• comm
• video

[bingosoriano]

beautiful

[hjy9]

perfect girl to play the  role.. ;)

[hjy9]

perfect girl to play the role.. ;)

[bibiELJON]

wow.. nicenicenice..