Balada triste do labrador (en Sober) - Os Parentes

Alfonso e Óscar, "Os Parentes", o grupo máis afamado do Cima do Lugar de Francos e arredores, cantan a Balada triste do labrador, con letra do mestre Sandoval e música do mestre Alfonso. Voz impresionante do Chirlán de Veliños. 20 de maio de 2010 no Bar Rabeno (Kelly), estrea mundial do single.

"Vou á gavea, e rómpeme o legón.
Vou rozar, e pícome cos toxos.
Subo á parra, e deixo todo a cotón.
A cotón, a cotón.
Ai, ai, Casiano! Ai, ai, Casiano! Que mal che empeza este ano!
Quero ir á sacha, pero non teño petola.
Busco leña para o lume e só atopo garabullos.
Ás dúas vou xantar, non hai nada na cazola.
Na cazola, na cazola.
Ai, ai, Xavier! Ai, ai, Xavier!
Que triste é ser pobre en Sober!
Ai, ai, Xavier! Ai, ai, Xavier!
Que triste é ser pobre en Sober!
Ceibei as vacas, e abeiroume a marela.
Fun pagar o censo e perdín o autobús.
Despois fun á seitura, e manqueime na canela.
Na canela, na canela.
Ai, ai, Marcial! Ai, ai, Marcial!
A vida na aldea está moi mal!
Ai, ai, Marcial! Ai, ai, Marcial!
A vida na aldea está moi mal!
Fun tornar a auga, e molleime no lameiro.
Fun por unha empaca de herba e mexárona os cans.
Quixen botar un cigarro, non encendeu o chisqueiro.
O chisqueiro, o chisqueiro.
Ai, Nicanor! Ai, Nicanor!
Que dura é a vida do labrador!
Ai, Nicanor! Ai, Nicanor!
Que dura é a vida do labrador!
Ai, ai, Casiano! Ai, ai, Casiano!
Que mal che empeza este ano!
Ai, ai, Xavier! Ai, ai, Xavier!
Que triste é ser pobre en Sober!
Ai, ai, Marcial! Ai, ai, Marcial!
A vida na aldea está moi mal!
Ai, Nicanor! Ai, Nicanor!
Que dura é a vida do labrador!
Ai, Asunción! Ai, Asunción!
Bota un pouco de viño no porrón!
Porque vai rematar esta canción...
Porque vai rematar esta canción...
Porque vai rematar... esta canción...
CHIS - PON."

Category:

Music

Tags:

• parentes
• Sober
• guitar