Pilipinas ang Bayan Ko, Filipino ang Wika Ko (Buwan ng Wika 2010)

The Buwan ng Wika Speech Choir piece for the 4th year students of SSC-R de Cavite.

PILIPINAS ANG BAYAN KO
FILIPINO ANG WIKA KO

Sagana sa yaman sa silong ng langit
Pagkat kalikasan ay hindi nagkait,
Ilog, dagat, bukid, burol, bundok, yungib;
May biyayang handog sa lahing tumindig

Sagana sa puno, sa bunga ay hitik
Mayaman sa minang nasa liblib ng yungib;
Pagkain at hiyas dagat ang may hatid,
Ang matatabang lupa'y alay nitong bukid

Kay yaman ng bayang "hiyas ng Silanagan",
Bayang minumutya ng lahing matapang;
Ngala'y inaawit ng ibon sa parang,
Sa makata'y isang inspirasyong tunay.

Iyan ang aking bansa, bayang hinihirang;
Itinatangi ng kanunu-nunuan;
Sinadlak sa dusa nitong kasaysayan
Binagon at itindig ng lahing matapang.

Wikang Filipino, ito ang wika ko
Wika mo, wika nating Pilipino;
Landas sa hangaring pangnasyonalismo
Wikang itinangi, kababayan ma't dayo

Wikang Filipino'y sagisag ng laya
Sa pagpapahayag ng puso''y adhika
Ito ay kaaliw ng awit at tula,
Matapat na kasuyo ang tuwa'y pagsumpa.

Angkang pinagmula'y angkang Pilipino
Dugong Dumadalo'y, dugong Pilipino
Diwang nag-iisip, diwang Pilipino
Pusong tumitibok, pusong Pilipino

Ugaling marangal, ugaling Pilipino
Kilos at galaw ko'y kilos Pilipino;
Bayang Pilipinas, ito ang bayan ko,
Filipino ang wika, ito ang wika ko.

Category:

Education

Tags:

• Speech
• Choir

[auserjann]

nice :D