The Tickling Death Machine Trailer

Shalala kynnir
Jaðarsöngleikinn

The Tickling Death Machine,

Iðnó 8. júní kl. 20:30
Iðnó June 8th at 8:30 pm


Jaðarsöngleikurinn Tickling Death Machine frumsýndur í Iðnó

Dansflokkurinn Shalala og hljómsveitirnar Lazyblood og Reykjavík! munu sýna jaðarsöngleikinn Tickling Death Machine í Iðnó föstudaginn 8. júní kl. 20:30. Um er að ræða Íslandsfrumsýningu en áður hefur þessi rómaði jaðarsöngleikur verið sýndur á Listahátíðum í Brussel og Orléans í Frakklandi. Miðasala verður á www.midi.is og hefst miðasala laugardaginn 12. maí næstkomandi.

Hvað er TICKLING DEATH MACHINE?

Tickling Death Machine er samstarfsverkefni tveggja hljómsveita, dansara og fleira góðs fólks. Það er ekki tónleikar, það er ekki dansverk og það er ekki leikhús en á sama tíma er það allt þetta. Það er kannski eins konar andaglas þar sem áhorfendur hverfa á brott með bros á vör og hlýju í hjarta.

THE TICKLING DEATH MACHINE

"Skildu sjálfsmyndina eftir við dyrnar og leyfðu okkur að afhausa þig aðeins."

Við höldum gegnum vélina, við ferðumst, við sleppum taki á fortíðinni og við sökkvum okkur í gleði afhöfðunarinnar, kitlandi tilfinning neðst í maganum færir okkur frelsi frá öllum óttanum, öllum óttanum sem hefur haldið okkur niðri. Endanlegt frelsi, algert frelsi, frelsið er yndislegt, við gerum það sem við viljum, hauslaus og hamingjusöm fljótum við yfir okkur sjálfum og okkur er létt.

Hugurinn er skýr og skynfærin eru í ró

Þegar öllu er á botninn hvolft erum við öll höfuðlausar skepnur sem stjórnast einvörðungu og einungis af ómeðvituðum vöðvakippum og hnykkjum, bylmings-æðaslætti og kaótískum draumhreyfingum, rafmagni í vöðva. Því hristum við af okkur dauðleikadáið og byrjum upp á nýtt, í anda eilífrar endurkomu hins sama og órúbórósar. Öll verðum við það sem við eitt sinn vorum, okkar dýrslega eðli snýr aftur; dýrið hikar ekki, dýrið berst fyrir tilvist sinni með því að lúta syndum forfeðra sinna og endurtaka þær.

Það sem gerist innan vélarinnar og það sem kemur út úr henni á endanum er undir þér komið. Þín er völin og þín er kvölin.

LAZYBLOOD hefur boðið Reykjavík! að kanna með þeim dýpstu lægðir mannssálarinnar með miðilinn ROKK OG RÓL að vopni. Skildu sjálfsmyndina eftir við dyrnar og leyfðu okkur að afhausa þig aðeins.

Við vonum að þú hverfir héðan með bros á vör og hlýju í hjartanum.

Við elskum.


Um aðstandendur:
Shalala:
Erna Ómarsdóttir og Valdimar Jóhannsson hafa sett upp fjölda sýninga um allan heim.
Verk Shalala hafa verið sýnd á mörgum helstu dans og sviðslisthátíðum Evrópu og víðar og hlotið frábæra gagnýni og viðtökur. Helstu verk þeirra eru á sýningarferðalagi um þessar mundir og síðastliðið ár eru Teach us to outgrow our madness og We saw monsters sem var frumsýnt á Listahátið Reykjavíkur, 2011 í Þjóðleikhúsinu. Það mun verða sýnt meðal annars á Feyneyjartvíæringnum og hinnar virtu Berliner Festspiele á þessu ári.

Reykjavík!:
Reykjavík er rokkhljómsveit frá Ísafirði og Reyðarfirði sem býr samt í Reykjavík (þegar hún býr ekki annarsstaðar). Hún hefur gefið út þrjár breiðskífur sem allar hafa hlotið ljómandi góðar viðtökur og verðlaun-- sú síðasta, LOCUST SOUNDS hlaut m.a. Kraumsverðlaun fyrir plötu ársins 2011 og sú fyrsta var víða valin PLATA ÁRSINS 2006. Þeir eru alltaf að spila einhversstaðar fyrir útlendinga (þegar þeir eru ekki að spila fyrir íslendinga) hafa unnið með fullt af sniðugu fólki, m.a. Valgeiri Sigurðssyni, Ben Frost, Mugison og Birgi Jóni Birgissyni.

LAZYBLOOD:
LAZYBLOOD er hljómsveit þeirra Ernu Ómarsdóttur og Valdimars Jóhannssonar (sá er líka í Reykjavík!). Fyrsta breiðskífa verður brátt tilbúin til útgáfu, en LAZYBLOOD hefur víða vakið athygli, m.a. mátti lesa grein um hana í tölublaði af Ítalska Vogue um daginn. Hún var einnig valin í hópi 10 bestu á Airwaves 2010 af ólíkum gagnrýnendum Grapevine.

HUGTAK
Erna Ómarsdottir & Valdimar Jóhannsson

TÓNLIST, ORÐ OG HREYFINGAR
Lazyblood (Erna Ómarsdottir & Valdimar Jóhannsson)

TÓNLIST OG ORÐ
Reykjavík! (Valdimar Jóhannsson, Bóas Hallgrímsson, Haukur S Magnússon, Kristján F Halldórsson, Ásgeir Sigurðsson & Guðmundur B Halldórsson)

• Category

  Music

[Maarten Van den Bussche]

English translation please.

[valdimar johannsson]

Through the machine we go, letting go of the past and immersing ourselves in joy of decapitation, the tickling sensation brings us closer to being free of the fears that weighted us down. We float above ourselves and feel relieved. The mind is clear and the senses tranquil.

In the end we are all headless creatures, controlled only by involuntary contorted muscle spasms, throbbing veins and chaotic, trance-like movements. We shake loose the mortal coil and begin anew.

[valdimar johannsson]

All of us become what we once where, an animal of instinct, an animal without hesitation, an animal that fights for its survival by surrendering to it´s own ancestral prowess.

What transpires within the machine and what comes out of it at the end of the line is for you to decide and experience.

[feitigaur]

Ég her heyrt um að ugla, en að dúfa?