Debata do manggomgomi - Heindrich Albert 1642

B.E. No.27 DEBATA DO MANGGOMGOMI BL.86
1. Haleluya ari Minggu Ari na dumenggan i
Molo iba lao marpungu Dohot dongan Kristen i
Ari na sumurung i Las ni rohangki do i
2. Maradian do tondingku Di na jumping Minggu i
Nasa arsak ni rohangku Hulonongkon do disi
Tu bagasan roha ni Jesus Kristus, Tuhanki
3. Na huula ganup ari Hutundalhon do disi
Asa tarpasarisari Au ngolu ni tondingki
Arta na ummarga i Jumpang au di Minggu i
4. Lomo ni rohaM o Tuhan Naeng patupaonku do
Parangengku hupadenggan Asa hupasangap ho
Ulos hatigoran i Lehon ma di tondingki
5. Sai pahehe ma rohangku Sai ajari ma au on
Jala tongos pangapulMu Tu bagasan rohangkon
Baen sombu sadari on Uas ni tondingkinon
6. Pasupasu ma jamita Di huriaMi sude
Sai pasongop tu pandita Nang tu angka guru pe
Tondi Parbadia i Marsahala baen sude
7. Paimbaru ma padanmu Dohot na porsea i
Pargogoi ma siseanmu Pasangaphon goarMi
Tangiangna, ende pe Sai tangihon ma sude.
8. Sai urupi au Tuhanku Paujungkon ari on
Di bagasan tangiangku Songon na hupungka on
Sai huhalungunhon ma SabatM, o Debata.

Category:

Music

Tags:

• P1090333

[littlefriend01]

Terima kasih tuk lagu BE-nya. Cukup tuk mengobati rindu saya yang lagi jauh di negeri orang. Keep posting ya. Tuhan Yesus memberkati.