Leggensamaasch hät dat Kamelle 2011

Leggensamaasch (hät dat Kamelle) 2011

Em Sommer wenn de Sonn schön schingk
manch Mädche sich am Rhing enfingk
Deiht durch de Altstadt schlendere
Un läuf uns övver de Fööss

Doch kölsche Schöss die sin op Zack
Han spack ihr Brüssjer enjepack
Do kannste nix dran ändere
Dat mäht uns zwei nervös

Un kütt esu ne Schoß vorbei
Do hört mer laut Jeschrei

Leggensamaasch, hätt dat Kamelle
Die machen uns unmittelbar verröck
Denn die Mädcher he en Kölle
hätt d'r Herrjott jot bestöck

Leggensamaasch, hätt dat Kamelle
Jetz stipp dat die noch rus, wat ne Zortier
Un wenn mer dat zo Huss verzälle
Dann dürf' mer morje nit mieh vür de Dür

Em Sommer kütt de Wohrheit rus
Dann trecken sich de Mädcher us
Jonn knapp jedress flaniere
un se zeigen wat se han

Su e lecker Mädche en nem Top
jehalde vun nur einem Knopp
dat deiht uns irritiere
un wirf uns ratsch us der Bahn

un kütt esu ne Schoß eran
dann rofen alle Mann

Leggensamaasch, hätt dat Kamelle
Die machen uns unmittelbar verröck
Denn die Mädcher he en Kölle
hätt d'r Herrjott jot bestöck

Su sööß, su sööß -- nä wat sin die sööß
Su sööß, su sööß doch eijentlich
e Bessje skandalös

Leggensamaasch, hätt dat Kamelle
Die machen uns unmittelbar verröck
Denn die Mädcher he en Kölle
hätt d'r Herrjott jot bestöck

Category:

Music

Tags:

• Karneval
• Köln
• 00s
• DE
• Leggensamaasch
• hät
• dat
• Kamelle
• 2011
• am
• aasch