Nauha - 01 - Jayati Bawari - Hilti Hai Zameen, Rota Hai Falak

Imam e Hussain (a.s.) ki zaat e gerami firqa o mazhab ke imtiyaaz se bari hai.
Waqaey Karbala ke baad se yeh Shaheed e Insaniyat tamaam aalam se khiraaj e aqeedat hasil kar raha hai.
Ahle Hunood ki Imam Hussain (a.s.) se aqeedat koi naii baat nahiN hai. SadyoN se woh Hussain ka gham manaate aa rahe haiN. Unke jazbaat ki kya khoob
tarjumaani Janab Dibakar Rahi* Sahab ne ki hai:

Tum mitey, lekin tumheiN mitne na deiNge aey Hussain
Woh tumhaara kaam tha, aur yeh hamaara kaam hai.

Pichle baras Soazkhwani ki eik video "Hindu Khatoon" ke unwaan se Lucknow ki mohtarma SUNITA JHINGRAN ko logoN ne kaafi pasand kiya.
Aaj maiN Kolkata ki Mohtarma JAYATI BAWARI Saheba ki 3 audios upload kar raha hooN. Aap NGOs ke liye kaam karti haiN,ya yuuN kahiye ke khalq e Khuda ki khidmat karti haiN.
Jis khoobsurti se unhoN ne paRha hai, uss se Karbala waaloN se unki aqeedat ka andaza lagaya ja sakta hai.

Souz:
Hilti hai zameeN, roata hai falak, andhiyaari chaane waali hai
Kya qatl huEy, utTho Akbar, MaaN qayd se jaaney waali hai

Khaimey se sada dee Baano ne, Asghar ko chupa leejey Maula
Paani ke eiwaz fauj e aada, ab teer chalaaney waali hai

GhoaRe se girey jab Shaah e Huda, ye khaimey ke darr se aai sada
Ghar loot ke naana ki ummat, ab aag lagaaney waali hai

Woh teira humakna jhooley meiN, woh baal jhandooley, laal tere
Maadar ke liye har baat teri, Asghar taRpaaney waali hai

BachchoN ke liye Abbas e Jari, ab paani laaney aaey haiN
Be'taabi se mashkeezey meiN, har mauj samaaney waali hai

Category:

Education

Tags:

• Matam
• soaz
• salam
• marsiya
• majlis
• jayati
• bawari
• moharram
• kolkata
• mirza
• jamal
• mahakavi

[abhusssain]

mashaallah .atiyabahtareen nouha hai lucknow ki yaad taza ho gai

[mahakavi]

@abhusssain

Shukriyah Anwar Sahab.

[kishoriray]

so nice, like it a lot...

[mahakavi]

@kishoriray

Janab Kishori Saheba,

Adaab Arz,

Mere liye ba'esey izz o sharaf hai ke ap jaisi zi'ilm o zi'fahem wa ba'shaor o ba'kamaal shakhsiyat meri upload mulaheza farmaaeiN.

Mohtarma Jayati ki soazkhwani ki madah meiN aapka ta'reefi kalema harf'e aakhir hai aur sanad ki haisiyat rakhta hai.

Aapke tabsere ka bahot bahot shukriyah,

Aapka eik madDaah,

Mirza Jamal

[abhusssain]

she recite as good as begum akhtar. Aap ne bhi khub kaam kya, pictures ki mixing bahooy khub. Jazakalla

[gulrukkh]

Mashaallah, what a wonderful nauha.

Thanks for uploading mahakavi.

[Adyamaaa]

Thanks for the comment!