Ricordo a tuti che el sie de genar l'è Pascueta. Sule isole intorno al Menago picole o grandi che sia se impiza da zinquemila ani el buriolo. El Buriolo Spiega ben la Dotoresa Vanini Nadia dela Biblioteca Civica de Verona, in de na so tesi publicà, l'è un avenimento straordinario. Tuta la gente dele isole sparse sperse sparte sul Menago, i palafiticoli, i se ricorda de sta costumaia che ga szinquemila ani. Sti foghi grandi i servea anche par la navigazion specialmente in mezo ala nebia che no se vedea gnente. Cosita i barcaroi i se orientava e no iandava in seca. Par costruir el buriolo se fa cosita: " prima se szerca un palo, na pertega alta quanto più se pol, po la se pianta senza gnente intorno. Le fasine e i canari bisogna metarli in un sol colpo in te na sola giornada se nò, se te lo fe prima, i pol vegner a impiszartelo ialtri, par dispeto e ti el sie de genar no te impizi gnente.
Alora, in mezo un campo senza gnente inzima se parecia sto palo. Po da da ogni corte con careti de ogni tipo tute le fameie contribuise con poco o con tanto, con legna bona, (fasine) o con quela trista (canari bagnà). Tuti i buteleti zugando i porta quanta più roba i riese ad aver e catar. I grandi i fa la parte piasè alta con la scala. Sora se mete la vecia. Quanto l'è piasè alto tanto l'isola l'è importante. Tanto piasè el dura, tanto piasè
sarà el racolto e la fortuna par quela isola lì. Ste tenti però vizin se ne fa uno picolo che se ciama "reciamo" el serve par dar l'aviso che dopo poco s'impizarà quel groso. Se impiza apena ven scuro dal tuto. Alora scumiszia l'isole de Ronchiel apena l'è partio (e a olte no le mia facile), quando l'è rivà el fogo ala zimolina l'è ora che taca anche el reciamo de Isola Bela. La gente che vol far el giro dele isole por corar de qua e
de là, vedendoli tuti proprio parchè l'è tuto un ciama e rispondi. Da l'isola de Venere ghe risponde la Frescà, dal Piaton a Barbugine, da Feramosche a Malcanton, da la Piopaza, a Cantarane, da Faval ai Curoi, e via tuto intorno. Tute le isole le se illumina, e le se specia drento l'acoa e da intorno se vedea tuti sti foghi che fa coraio a rivar a primavera. Anca st'ano le isole sparse sperse dal Menago dal ( Scumizio ) Mincio da l'adese al Piave, al Sile al Taiamento se fa i burioli. Vedemo ci lo fa piasè alto, ci lo fa durara de più, ci lo fa in campo libaro e no soto l'iluminazion. Atorno el buriolo ghe la pascueta e el pascueton. Senza far vedar le face, la pascueta la tira pomi e naranze, el pascueton mena qualche randelà. Tuti intorno dai butini ai veci a scaldarse e a guardar gli auspici. Po quando se va a casa se catarà calcosa in regalo portà dala pasqueta che no le mia tanto siora come la Santa Lucia. Ma in casa se zuga ala tombola, con i grani de polenta, e se magna fruta seca e de staion. Questa l'è la magia che continua nele isole sparse sperse spartie, dal Menago fin al lago grande. Me racomando gnente copertoni e stranfieri o inneschi artificiai. Tuta roba che dà la natura. A pascueta alora pronti a vedar ci lo fa piasè alto e quel che dura piasè, pronti tute le isole del menago intorno al lago a scaldarse in mezo ale nebie e dopo via con un bon brulè.
Vostro Poeta sparso sperso spartio, Rè nato a Sparè
Uno dei ritornelli cantati attorno al fuoco
"Me barba Tita Baro
Al se hà brusà 'l tabàro
Al sa da brustolìn
El panevìn!
Rénghe, strénghe, bisatèle
Che le tose vegna bèle
Che i tosàt ghe vàe vizhìn
El panevìn!
Vièn pan, vièn vin,
Vién segàla e segalìn
Vién milù, vién pilù
Vién la grazhia de Gesù
Vién pàn e vin!
Vién pàn, vién vin
La pinzha sul larìn,
La polenta sul fondàl
Viva viva el Carnevàl". epifania bis 147.avi 06.01.2010
Loading...
8:10
Epifania.wmvby menorodrigues2,997 views
Link to this comment:
All Comments (0)