Concentración en Ferrol ante a entrada do LNG "Norman Lady" na Ría - 13.05.2011

Mais outra vez un buque gaseiro entrou na Ría de Ferrol, cargado con miles de toneladas de LNG/GNL para a ilegal e perigosa Reganosa.

O "Norman Lady" que é o nome do buque , fixo o 91 gaseiro para a planta regasificadora de Mugardos, desde que entrara, en Maio de 2007, o "Galicia Spirit" ...

A entrada na Ría deste buque gaseiro, fixo saltar a alarma social do despropósito gasista que é Reganosa, instalada no corazón da nosa Ría, a poucos metros dos núcleos de poboación, poñendo en perigo ás miles de persoas que moramos na súa contorna.

O inesperado terremoto de Lorca, é un desastre natural que nos ten que facer pensar. A Ría de Ferrol está sobre unha falla na que xa se teñen producido terremotos, polo de agora de pouca intensidade, mais isto é un aviso que nos indica que a Planta de Gas nunca se debeu construír en Mugardos no corazón da nosa Ría, tan próxima a núcleos de poboación. E se ainda por acima, sabendo que isto foi así para especular e saciar a cobiza dos corruptos, máis indignación nos ten que causar e esixir o seu desmantelamento xa.

O Comité Cidadán de Emerxencia, como ven sendo habitual, convocou unha nova acción de denuncia e protesta, mais desta volta a Concentración tivo lugar en Ferrol Vello, na zona do porto onde estaba a antiga Fábrica de Xeo, seguindo cunha nova forma de acción, rotando as mobilizacións por diferentes lugares e barrios, dun xeito itinerante, co obxectivo de chegar coa protesta a un número maior de persoas. Ademais de difundir entre a poboación, en sintese, 10 razóns para preguntar-se ... Por que Reganosa ten que saír da nosa Ría e das nosas Vidas ?.

As 10 razóns:
http://dez-razons-reganosa-non.blogspot.com/

Colectivo Ártabra 21:
http://artabra21.blogspot.com/

Comité Cidadán de Emerxencia:
http://cociudem.wordpress.com/

______________

Category:

Nonprofits & Activism

Tags:

• Vídeo0008