Millina Nojousing 2012 - Neujahrsingen Mühlen in Taufers

Millina Nojousing 2012

vorausgschickt: Mie tin net stenkon, mie tin la auzoagn! ;-)

Mie san vier junga Mando, irgndwi olla fa Mill,
di Rente tat ins wö zuischtien, nouch fünf Jou sing und spiel.
Nichts isch mit do Pension, hot do Monti gsog in Rom,
in dea Krisnzeit, brauchts ins junga Leit,
in dea Krisnzeit, sörgn mir fü Heitokeit.

Possierscht isch olldohond, ibroul in gonzn Lond,
Do Leitna Max hots probierscht, glei homsn innifrigiescht,
sein Geld hot jemand ginumm, di Raika nimma funn,
stott giponzoschta Wente, gibs lamme Medikamente,
stott an Geldpunkahittl, finnsch' lamme Oufiehrmittl.

Do Londesluis dea schreit, tit spourn des lieba Leit,
Stoirn und Geld muss her, sischt dozohlta in Rom nichts mehr.
Di Politika homs kapiert, privat ihr Geld inveschtiert,
dei Gscheidn drinne in Lond, dei hom a treua Hont.
Dei lossns oanfoch net sein, mit do Gsellschoft Stein an Stein.

Mir hom a nois Denkmoul, aus Drahte und heschtn Stoul,
do noie Umsponn Moschtn, wersch ins olla vostroul,
Die SEL hots glott giwog, hot gibaut obo niemandn gfrog,
s beschte wurat wö sein, di Puschtra-Buibm inziweihn,
s beschte wurat wö sein, den ouzisagl den Schwein.

Mir Mando san stork wi Öchsn, lot ins di Kirche wissn,
di Fraudn san wi Eisl, di sebm kenn guit lissn,
Di Kindo san wi Schoufe, se tut do Techant dozeihl,
und wea net Öchs und Eisl isch, sött an ondos Viech auswähl,
und wea net Öchs und Eisl isch, dea isch holt a Kamel.

Afn Taufra Böidn isch 's schien, vöirn Vörmass spoziern zi gien,
Gummestiefl tats brauchn, ba dei gonzn Huntehaufn,
do Hunt fa do Ordnungskroft, eppa in greaschtn Haufe mocht.
Dass di Luft net stinkt, und net ins Grundwosso sinkt
In Hunt söll man a net vogroubm, sischt hom mier mörgn in Schoudn.

Mitn Weg in di Klomme werschz Ernst, des homse wörtlich ginumm,
junga motiverschta Mando, hom in Beil örntlich gschwung.
Und afn Benjaminplotz, hot sich olldohont giton,
bevöirs do Monti gitschäckt hot, isch do Peppe gong in Pension.
wi hommo olla giplescht, boll di Linde hot zuigschpescht.

Di Cascade isch iz feschtig, do Ondrong riesn gröaß,
mitn richtign Lösungswörscht, isch do Intritt net zi höach.
Sogsche du bisch fa Mill, noa beschlogras glei di Brill
isch Mill net eppa Sont, se wari iz wö gsponnt.
Do oanzige Blick fado Cascade, isch af die Schlöss-Fassade.

Jo di Millina Musig, dei kimp ins spanisch fii,
bollsis dou nimma ausholtn, isch Calella ihr Urlaubsziel.
Sem tiense örntlich plousn, musikalisch ausngroußn.
Do Saatsch hot experimentiescht, mit sein Trompete viel ausprobiescht,
zi Pfingschtn hom olla gilocht, bolla gspielt hot Stilla Nocht.

Itz hommo a glei feschtig, und wintschn nö zin Schluss,
Xuntheit, Glick, Zifriednheit, Zusommenholt isch a Muss.
Mir tatn itz nö sougn, a schiens nois Jou,
passt ins guit afs Derfl au, bis mir san wido dou.
passt ins guit afs Derfl au, und iz fliegmo wido ou.


Olls guite in noidn Jou, und dohoame a! ;-)

Category:

Entertainment

Tags:

• Nojousing
• Neujahrsingen
• Neujahrsinger
• Mühlen
• in
• Taufers

[nc81000]

bravo thommy :D

[nc81000]

Gefallt mir :D

[xWoolfix]

guit gimocht bravo

[XvallorX]

Good to see you Manny :P