MIFA綿花老師@開心兒童台演藝訓練班 - 學生作品2011暑假

MIFA梁綽倩- 人稱"綿花老師", 過去多次被獲邀出任不同機構所舉辦的司儀, 主持等訓練班導師.

我一直有個教學手法理念好想實踐出來, 一個新嘗試挑戰, 就係用戲劇 - 活潑生動既方法, 訓練學生由概念, 構思, 編寫, 編排, 集體創作, 分工合作...一同泡製出呢個"開心兒童台" !

呢班同學仔介乎小二至小六, 當中有"超級活躍百厭星", 亦有"怕怕羞羞唔開口" 既類型, 要佢地限定上課時間內, 有效率, 聽教聽話, 合合作作的完成每個拍攝習作, 可想而知當中有幾好玩幾精彩呢~~

雖然個課程係訓練小朋友, 但亦係訓練緊我自己係教學上更擴闊更多元化既能力. 雖然第一次實踐會有幾多不足地方, 但呢次係一個好寶貴既經驗, 我相信我既學生都好ENJOY整個課程

每次上堂佢地都自動自覺交功課, 例如每次大家開會後, 下堂要提供拍攝內容, 資料搜集, 寫稿, 道具....呢樣一定要係有投入心及享受學習才會有呢種OUTPUT吧!

而"綿花老師"當中就係佢地既領導者及指導者, 大家可見本人既製作簡單, 剪接亦無特別花巧.... 好彩又咁岩係我開班之前巧合由其他工作關係獲得某品牌攝錄機公司贊助, 送左部高清攝錄機俾我, 令我可以拎住部靚機實現我既新教學方法.

但可惜既係我既電腦係龜速囉~~有剪開片既朋友一定知用龜速電腦剪高清片係會點痛苦架啦, (係會發癲架)有D剪接位係可以做好D架, !! 有人贊助埋電腦就好羅 (發夢中...)

綿花今次能完成心願, 真係緣份嚟既, 首先一定要感謝搵我開班既課程主任Wendy, 只係幾年前見過合作過一次, 幾年後係某電視台你遇見返我, 但我又見唔到你, 你之後搵舊同事拎返我聯絡, 而成就左今次既合作啦, 真係好奇怪其實你唔知我有開班的, 但又有靈感要搵我開班, (唔通係"吸引力法則"既作用?!

另外,要多謝幫我係堂中協助既大姐姐及大哥哥, 小朋友反斗起上嚟真多得你地幫我維持序呵^^

當然更唔少得一班可愛活潑既同學仔, 多謝你地既第一次, 每次都俾到綿花老師喜出望外的表現, 亦多謝各位家長對呢個班既肯定
(因為佢地話下次想再俾個仔報多次名再玩多次, 亦有家長要話今次阿哥學左, 下期要細佬嚟上堂!!)

感謝感謝!! 我會再加油的^0^

Category:

Education

Tags:

• MIFA
• 綿花老師
• 梁綽倩
• 主持
• 司儀
• 訓練班
• 培訓
• 開心兒童台
• 演藝訓練班

[besthorling]

呢班小朋友, 真係好有喜劇天份~~