Македонските Европерспективи

Европската Унија е одговорна пред своите даночни обврзници, поради тоа, доколку Македонија се покаже како земја која повеќе не ја третира ЕУ како приоритет, Европската Комисија и земјите членки би можеле во иднина да одлучат да ги повлечат финансиските и човечките ресурси кои ги вложува во Македонија, бидејќи се потребни и на други места каде владиниот интерес за ЕУ е поголем.

Ова сериозно и можеби последно предупредување доаѓа од високи дипломатски извори во Брисел само неколку дена по објавената анкета во „Дневник" и рамнодушните реакции на власта кон резултатите на истата.

Изјавата на Премиерот дека ЕУ има погрешни чувства за европската заложба на Македонија, Брисел бара да ја докаже на дело со тоа што неговата влада конечно ќе почне да работи на реформите кои треба да бидат оценети во есенскиот извештај.

За сега, ситуацијата е многу лоша. Како стојат работите, Македонија ќе добие негативна оцена во извештајот. Брисел е сериозно загрижен за судството, корупцијата, партизацијата на јавната администрација и заканите по животите на новинарите и генерално недостатокот од медиумска слобода, изјави за А1 висок дипломатски извор во Брисел.

Што се однесува до изјавата на вицепремиерот Наумовски дека Македонија сака паралелно решавање на името и преговори со ЕУ, дипломатите оценуваат дека идејата е вонземска, освен се разбира доколку Наумовски располага со привилегирани канали на комуникација со грчката влада па добил некакви гаранции од папандреу дека Грција ќе прифати такво нешто.

Инаку, колку што е Брисел запознат, такво сценарио е незамисливо. ЕУ бара од македонските власти да не заборават што се случи во Букурешт 2008-ма.

Дипломатите уште еднаш се осврнуваат на резултатите од анкетата во „Дневник": Ако граѓаните мислат дека членството во ЕУ и НАТО е возможно без решение за името, тие се во заблуда и биле успешно изманипулирани. Реалноста е дека ЕУ и НАТО без компромис со Грција нема.

И тоа Груевски и неговиот тим ќе треба час поскоро да и го објаснат на јавноста или да се откажат од ЕУ. Секако Брисел има и други приоритети низ светот, потсетуваат овде.

Category:

News & Politics

Tags:

• Македонските
• Европерспективи
• commentary
• news
• Европската
• Унија
• Македония

[bobo87mk]

pa ne ni treba, ne po bilo koja cena. neka se gonat u pm