MI REPORTAHE ATERISAHE SABA

Hermana isla Saba ta konosí pa su aeropuerto ku un pista masha kortiku.
Nos kolega kamarógrafo Ingmar Kock tabata na Saba resientemente i a komparti ku nos e imagennan aki, kual ta ilustrá kon un avion chikitu di e aeroliña WinAir ta baha i subi na e aeropuerto Juancho Irausquin di Saba. E pista ta un eksperensia úniko i pa esnan ku no ta gusta bula mashá e por ta asta un tiki espantoso. Pero e pilotonan ku ta trafiká entre e islanan diariamente ta kustumbrá di aterisá na e aeropuerto i si bo no ta un hende ku ta spanta lihé, e bista pafó di bentana ta unu masha bunita.
Un danki na kolega Ingmar Kock ku a kaptura e imagennan aki pa esnan ku semper tabata puntra nan mes ta kon berdaderamente e avionnan ta subi i baha na Saba. Telenotisia ta keda enkurashá i apoyá nos televidentenan pa ora nan nota algu partikular òf un fenómeno straño pa sea filma esaki òf saka un potrèt i mandé pa nos pa asina e por pasa den nos segmento di MI REPORTAHE.

Category:

News & Politics

Tags:

• telenotisia
• telecuracao
• curacao
• curacao nieuws
• notisia curacao
• MI REPORTAHE ATERISAHE SABA